Festîvala Wêjeyê ya Munchenê ya 2026’an wê di navbera 21-30’ê Nîsanê de li bajarê Munchen ê Elmanyayê pêk were. Festîval ji sala 2010’an û vir ve pêk tê, turatora îsal a festîvalê Dana Grigorcea ye. Li dora mijara “Azadiyê” ya festîvalê ji gelek welatan nivîskar, hunermend û ramanger li hev dicivin.
Di bernameya festîvalê de nivîskar û helbestvana Kurd Meral Şîmşek jî heye. Şîmşek wê di çalakiya bi sernavê “Dengên Azadiyê” ya 22’ê Nîsanê de li gel helbestvana Erîtreyî Yirgalem Fisseha Mebrahtu û nivîskarê Sûriyeyî Yassin Al-Haj Saleh re derkeve ser dikê. Di çalakiyê de wê pêwendiya mijarên girtîgeh, sirgûn û azadiya fikrî ya bi wêjeyê bê nirxandin.
Şîmşek wê di çarçovey afestîvalê de berhema xwe ya bi navê “Rûmet” pêşkêş bike. Hunermendê anî ziman ku vê berhema xwe diyarî xizmên xwe dike ku jiyana xwe ji dest dan.
Festîval wê 21’ê Nîsanê destpê bike. Di destpêkê de wê hunermenda ji Belarûsê Maria Kalesnikava biaxive.
Di çarçoveya bernameyê de wê Maria Alyokhina jî qala bûyerên li Rûsyayê bike. Di çarçoveya 23’ê Nîsanê Roja Pirtûkan a Cîhanê de jî wê çalakiyên xwendinê bêne ldiarxistin. Di dema festîvalê de wê hevpeyvîn, bernameyên xwendinê, nîşandana fîlm û atolyeyên cûda bêne lidarxistin.
Kesayetên weke Gabriela Adameşteanu, Navid Kermani û Robert Menasse jî beşdarî festîvalê bibin. Festîval wê têkiliya wêjeyê bi bûyerên civakî yên rojane re nîqaş bike.
BERNAMEYA FESTÎVALÊ
21’ê Nîsanê, Saet 19:00: Destpêk: Dana Grigorcea, Maria Kalesnikava, Raphaela Gromes, Dan Perjovschi
22’ê Nîsanê, Saet 18:00: Dengên Azadiyê: Meral Şimşek, Yirgalem Fisseha Mebrahtu, Yassin Al-Haj Saleh
22’ê Nîsanê, Saet 20:30: Hevpeyvîna bi Maria Alyokhina re
23’ê Nîsanê, Saet 20:00: Şeva xwendinê ya Roja Pirtûkan a Cîhanê
23’ê Nîsanê, Saet 20:00: Konser: Daniel Kahn
26’ê Nîsanê, Saet 18:00: Xwendina Robert Menasse
28’ê Nîsanê, Saet 20:30: Çalakiya Navid Kermani
