Çalakiya nobetê ya li Wargeha Penaberan a Şehîd Rûstem Cûdî ( Mexmûr) ku di 20’ê Tîrmeha 2023’an de ji bo azadiya fîzkî ya Rêber Apo hatiye destpêkirin hezar û 141 roj li pey xwe hişt û çalakî bi merasîmekê dewrî koma 219’an hate kirin. Merasîma dewir girtinê li Navenda Saziya Malbatên Şehîdan bi deqeyekê rêzgirtin ji bo tevayî giyanê şehîdan hat destpêkirin. Piştî deqeyek rêzgirtin li ser navê koma 218’an daxuyanî ji aliyê Mercan Kara ve hate xwendin.
Daxuyanî wiha ye; “
“Ji bo çapemenî û raya giştî
Weke jinên Ciwan yên Komuna Şehîd Delila ku ji wênesazan pêk tê, di bin felsefeya jiyana azad ya Rêber Apo de mezin bûyine, ji bo misogerkirina azadîya fîzîki ya Rêber Apo ji koma 217’an girt.
Em wek koma 218’an me jî xwest girêdan, hîskirin û şopandina rewşa rêberê xwe Rêber Apo ji raya gişti ya cîhanî û Kurdistanê’re ragihînin ku Rêber Apo misogeriya jiyana me ya azade, hebûna wî, hebûna me ye.
Raste Rêber Apo bi qudret û pêşdîtinên xwe yên mûcîzeyî tecrit û qalibên sistemên zulimkar û desthilatê da şikinandin. Grava Îmraliyê ji pergala îşkence vegerand jiyanê û ji jiyanê vegerand azadiyê, bû hêviya bi milyonan mirovan û bû hêviya gelên bindest. Bi fikir û pêş dîtinên xwe yên dîrokî, benda cîhana di nava kaos û qeyranan de dijî, hilweşand, bi hêzkirin û berpirsyartiyek mirov û xwezayê tevgeriya, bi giştî jiyana xwe ji bo we têkoşînê bexşî civaka azad û xwezayî kir. Ne pira qeyran û kaosa pira azadî û demokrasiyê da avakirin.
Em bi vê çalakiyê misogeriya fizikî ya azadiya Rêberê xwe dixwazin. Em dixwazin êdî ji îro pê de bi rêberê xwe re mezin bibîn û pêş bikevin. Ji ber vê yekê, em vê çalakiyê girîng dibînin û wateyek mezin lê bar dikin.
Bi vê boneye, em cardin hemû şehîdên doza azadiya Kurdistanê bibîr tînin, silav dikin û minnetdarê pakrewaniya wanin. 1’îlon’ê Roja Aştiyê ya Cîhanî bi ruhê pêngava Aştî û Civaka Demokratik ku Rêber Apo pêşkêşî raya gişti ya Kurdistanê û cihanê kir, pîroz dikîn. Heta ku Rêbertiya me fîzîki azad nebe û azadiya wî misoger nebe, emê çalakiya xwe berdewam bikin. Emê bi fikra xwe, fikrê Rêberti xêz bikin, emê bi tabloyên xwe felsefeya Rêbertî belav bikin.
Çalakî bi dirûşmeya ‘Bijî Rêber Apo’, ‘Şehid Namirin’ ‘Jin Jiyan Azadî’ bi dawî bû.
