Di nava çend rojên bihurî de li gelek deverên Herêma Kurdistanê ji ber barana zêde û lehiyên rabûyîn, zerer û ziyanên canî û madî bi welatiyan ket. Di encama lehiyê de 5 kesan jiyana xwe ji dest dan û gelek kes jî birîndar bûn. Her wiha ziyanek mezin a madî bi welatiyan ket.
Têkildarî karesatê Platforma Yekîtiya Neteweyî ya Jinên Kurd daxuyaniyek belav kir. Platformê banga kampanya alîkariyê ji bo gelê Başûrê Kurdistanê yê ji karesata lehiyê zerer dîtîn kir.
Daxuyanî wiha ye:
“Li hinek deverên Başûrê Kurdistanê karesatekî mezin a lehiyê pêk hat. Encama lehiyê de 5 welatiyan jiyana xwe ji dest dan, 1500 malbat bandor bûn û 500 malbat ji malên xwe bûn. Di serî de ji kesên ku di lehiyê de jiyana xwe ji dest dane re rehmet û ji malbatên wan re sersaxiyê dixwazin.
Wek Platforma Giştî ya Yekîtiya Neteweyî ya Jinên Kurd ji bo gelê Başûrê Kurdistanê banga kampanya alîkariyê dikin. Di rojên tarî û karesatî de tu kes tenê nîne û divê nemîne. Ji bo wê, platformên parçeyên Kurdistanê yên girêdayî Platforma Giştî ya Yekîtiya Neteweyî ya Jinên Kurd dest bi kampanyayê bikin. Em hêvîdarin ku ji her çar parçeyên Kurdistanê wê bi hestiyarî nêzîkatî derkeve pêş.”
