Navenda Ragihandina Hêzên Sûriya Demokratîk (QSD) bi daxuyanyekê ragihandin ku hêzên wan êrîşeke DAÎŞˊê li dijî nuqteyeke wan a li gundewarê rojhilatê Dêrazorê têk bir.
Di daxuyaniyê de hat gotin ku hêzên wan îro, êrîşeke terorane ya şaneyeke rêxistina DAÎŞˊê ya terorîst a li dijî nuqteyeke wan a leşkerî li gundê Meraşide yê bajarokê Sûsê yê rojhilatê Dêrazorê têk bir.
Navendê wiha got, “Bi wê re pevçûnên rû dan, hêzên me yek ji terorîstan kuşt û yek din jî bi giranî birîndar kir, li kêlek wê jî motorsiklêt û çekek klaşînkovê desteser kir.”
Hewlên şaneyan hemû bi armanca jinûve tevlîheviya ewlehiyê çêkin an jî aramiya herêmê tehdîd bikin e. Em ê bi hêz û bê dudilî li hember hewlên wan bisekinin û ji bo ziwakirin şaneyên veşartî û rê li pêş êrîşên wan bigirin çalakiyên paqijkirin û serdegirtinê dewam dikin.”
