Di çarçoveya şopandina rewşa dîglirtiyan, dabînkirina pêdiviyên wan û rêbazên pêşkêşkirina desteka guncaw de, Rêveberiya Kobanê îro civînek bi 22 dîlgirtiyên hatine berdan re li Pakra Ronîwar a bajêr li dar xist.
Di civînê de hevserokê Rêveberiya Kobanê Ferhan Hec Îsa axivî.
Hec Îsa got: “Li gorî pîvan û qanûnên şeran divê di aliyên fizîkî û derûnî de îşkence li dîlgirtiyan neyê kirin. Lê em îro bi we serbilind in, ji ber ku hûn di nava me de ne. Hêviya me ew e ku hevalên we yên mayî jî werin berdan û vegerin hembêzên dê û bavê xwe. Wê sekn û vîna we di dîrokê de were nivîsandin û werçerxeke ku ji werçerxên gelê me yê Kurd tê re derbas bûye.
Li ser navê dîlgirtiyan Ferhad Kobanê jî axivî û got: “Wan hinekî însanetî nas nekiribûn, lê me hinekî bi wan da naskirin ku însanetî çi ye. Ji ber nenasbûna wan ji însanetiyê re hejmarek hevalên li kêleka me şehîd bûn. Em ê heya dawî li ber xwe bidin û xwedî li esîrên xwe, xwedî li gelê xwe û xwedî li şehîdên xwe jî derkevin. Anku çi dibe bila bibe û çi êriş bi ser me de tê jî bila were em dev ji gel û hevalên xwe bernadin.”
Di dema êrişên li ser herêmên Rojava de gelek kes ji aliyê komên hêzên hikumeta demkî ya Sûriyeyê ve hatin dîlgirtin, lê di çarçoveya bicihanîna peyman 29ˊê Çileyê de heta niha 3 komên dîlgirtiyan bi hejmara 800 kes hatine berdan.
