Fermandarê Giştî yê QSD’ê Mazlum Ebdî li ser hesabê xwe yê X’ê roja lidar xistina Kongreya Netewî ya Kurd a li Rojava eşkere kir.
Mazlum Ebdî di peyama xwe de got: “Em bi kêfxweşî ji gelê xwe re radigihînin ku konferansa ‘Yekrêziya Helwesta Kurdî li Rojava’ wê di 26’ê Nîsanê de bê lidarxistin.”
Ebdî di dewama peyama xwe de got: “Yekitiya Kurdî pêwîstiyeke neteweyî ji bo çareserkirina doza gelê Kurd li Sûriyeyê ye. Em hêvîdar in ku hemû alî wê berpirsyariya xwe ya netewî bi cih bînin. Bi vê boneyê em hemû aliyên ku di pêkanîna vê gavê de bûn alîkar spas dikin û ji xebatên konferansê re serkeftinê dixwazin.”
