Li gorî daneyên sala 2025’an ên Komeleya Mafên Mirovan (ÎHD) 161 jê jin û hezar 251 jê mêr herî kêm 412 girtiyên nexweş hene. Ji van 335 jê bi nexweşiyên giran, 230 jê jî nikarin bi tena serê xwe jiyana xwe îdare bikin. 188 mehkûm jî ji ber nexweşiyê timî divê bêne kontrolkirin. Yek ji girtiyên bi nexweşiya giran Mehmet Emîn Çam e. Ji ber cezayê girtîgehê yê 9 salan ji sala 2022’an û vir ve li girtîgehê ye û rewşa wî her roj nebaş dibe. Çam li girtîgehê du caran krıza dil derbas kir, anjiyo bû û li ser mejiyê wî tumor heye. Saziya Tipa Edlî (ATK) du caran têkildarî Çam rapora ‘Dikare li girtîgehê bimîne’ da. Serlêdana taloqkirina înfazê ya herî dawî ji bo Çam hate kirin, bi hinceta rapora ATK’ê hate redkirin. Îtiraza parêzeran bi hinceta “Merc guncaw in, tedawiya wî dewam dike û diçe nexweşxaneye” hate redkirin.
NEXWEŞIYÊN WÎ YÊN KRONÎK ZÊDE DIBIN
Çam ku gelek nexweşiyên wî yên kronîk hene, par piştî ku du caran krîza dil derbas kir, anjiyo bû. Çam ku nexwşeê gurçikê û alzaymirê ye, du caran ji gurçikên xwe emeliyat bû. Çavên wî miyop û astigmat e û guhê wî yê rastê jî nabihîze. Aliyê çepê êy Çam jî felç bûye. Nexweşiyên şekir û tansiyonê pê re heye. Çam di hevdîtinê de nikare bi malbata xwe re biaxive. Her wiha xwe dispêre dîwêr û bi vî rengî dikare biçe hevdîtinê.
Heta niha têkildarî Çam gelek serlêdan ji bo taloqkirina înfazê hate kirin, lê belê hemû jî bi gotina “Merc guncaw e, dikare li girtîgehê bimîne” hatin redkirin. Çam rojê zêdeyî deh dermanan bi kar tîne û rewşa wî jî her roj nebaş dibe. Parêzer xwe amade dikin ku careke din ji bo taloqkirina înfazê serlêdanê bikin Çam ku bi piştgiriya girtiyên din ên li koxûşê pêwîstiyên xwe bi cih tîne, di vê demê de 15 kîlo li xwe kêm kir.
Şîmel Çam qala rewşa bavê xwe kir û got, “Herî dawî em çûn hevdîtina vekirî. Di hevdîtina girtî de hindikî jî be diaxivî, lê di hevdîtina vekirî nekarî biaxive. Ji ber ku guhê wî nabihîze, em nikarin hevdu fêhm bikin. Gelek carna tenê em hevdu hembêz dikin û derdikevin. Ji bo wî bikenînin em çend caran diaxivin, piştre heman senaryo rû dide.
Ya rast ne tenê ew, rewşa her kesên li koxûşa wî giran e. Serlêdan jî bi gotina ‘rewş guncaw e’ tê redkirin lê belê kesekî ku gelek nexweşî pê re hene û rojê 17 dermanan bi kar tîne, gelo çawa dikare bi tena serê xwe bijî? Dema bavê min ket girtîgehê 80 kîlo bû, niha herî kêm 15 kîlo kêm kiriye. Tenê ji bo wergirtina dermên dikare xwarinê bixwe, ji bilî wê nikare bixwe.”
Çam ji bo berdana bavê wê bang li Wezareta Edaletê û saziyên pêwendîdar kir.
