Tê diyarkirin ku armanca şandeyê ew e ku peymana 10’ê Adarê di navbera Fermandarê Giştî yê QSD’ê Mazlum Ebdî û Serokkomarê Demkî yê Sûriyeyê Ahmed Şera de hatî îmzekirin, bixe meriyetê.
Îdlibî li ser hesabê xwe yê medyaya dîjîtal daxuyanî da û diyar kir ku bi serdana şandeyê re peymana di navbera Abdî û Şara de wê were piştrastkirin. Îdlibî ev gav weke “geşedaneke krîtîk ku wê yekîtiya dewleta Sûriyeyê û istiqrara neteweyî xurt bike” pênase kir.
ENDAMÊN ŞANDEYÊ HATIN DIYARKIRIN
Berê di hevdîtina ku 12’ê Nîsanê navbera Fermandarê QSD’ê Ebdî û rayedarên hikûmeta Şamê hatî kirin de, endamên komîsyonê yên ku Bakur û Rojhilatê Sûriyeyê temsîl bikin hatibûn diyarkirin. Kesên di nava şandeyê de cih bigirin: Foza Yusuf, Abdulhamid el-Mehbaş, Ahmed Yusuf, Sanhrib Barsum, Sozdar Haci.
Meryem Îbrahîm û Yaser Suleyman jî wê berdevkiya komîsyonê bi rêve bibin.
HÛRGÛLIYÊN PEYMANÊ
Peymana ku 10’ê Adara 2025’an navbera Mazlum Ebdî û Ahmed Şera de hatî îmzekirin, agirbesta li giştî welêt û entegrekirina hêzên QSD’ê ya li nava artêşa Sûriyeyê digire nava xwe. Madeyên derketî pêş ên peymanê ev in:
*Civaka Kurd weke parçeyê esil ê dewleta Sûriyeyê were naskirin
*Mafên hemwelatîbûn û zagona bingehîn bên garantîkirin
*Qadên petrol, gaza xwezayî û rêyên sînorê dewrî kontrola dewletê bên kirin
*Li tevahiya xaka Sûriyeyê pêkanîna agirbestê
*Vegera koçberan were garantîkirin
ÇARESERIYA MAYÎNDE
Îdlibî anî ziman ku ew hêvî dikin ku ev pêvajo ji bo çareseriyeke berfireh û mayînde zemînê amade bike û destnîşan kir ku dema nû ji bo “Sûriyeyek bêşer û yekgirtî” hêvî dide.
