Di 20’ê Tîrmeha 2015’an de li Hewşa Navenda Çandê ya Amarayê di êrîşa bombeyî ya DAÎŞ’ê de 33 ciwanên sosyalîst jiyana xwe ji dest dabûn, zêdeyî 100 kes jî birîndar bûbûn. Yekîtiya Elewiyan a Demokratîk (DAB) û Yekîtiya Jinên Elewî ya Demokratîk (DAKB) di salvegera komkujiyê de daxuyaniyeke hevpar dan.
Di daxuyaniyê de hate ragihandin ku ciwanên li Pirsûsê li hev kom bûn, ji bo piştgiriya jinûve avakirina Rojava û gihandina alîkariya mirovî ya ji bo Kobanê bi rê ketin, lê belê bûn hedefa êrîşa DAÎŞ’ê û hêzên tarî yên dewleta Tirk.
Di daxuyaniyê de hate gotin, “Ev xwişk û birayên me yên ciwan ji bo xwişk û biratiya gelan, ji bo wekheviyê, ji bo kedê, azadiyê û paşeroja şoreşê wijdanê mirovahiyê bûn ku hewl dan ji derveyî sînoran pireke hêviyê ava bikin.”
Saziyên Elewiyan ên Demokratîk destnîşan kir ku têkoşîna wan ciwanan weke têkoşîna xwe dibînin û armancên wan jî rêya wan ronî dike.
Di dawiya daxuyaniyê de hate gotin, “Ji bo Pirsûsê edalet ji bo her kesî edalet” cangorî hatin bîranîn û hate destnîşankirin ku kujer wê hesab bidin.
Her wiha soza mezinkirina têkoşîna ji bo cîhaneke wekhev û azad hate dayin.
