Denîz Yuksel (Heqî Şîyar) ê ku di 3’ê Îlona 2018’an de li navçeya Hezro ya Amedê di êrîşa hewayî de şehîd bû, li ser gora xwe ya li navçeya Qoserê hate bibîranîn.
Bîranîn bi pêşengiya MEBYA-DER’ê bi goristana li Taxa Ataturkê hate lidarxistin û ji xeynî malbatê gelek kes tevlî bûn.
Hevserokê MEBYA-DER yê Mêrdînê Salih Kuday îşaret bi têkoşîna şehîdan kir û wiha got, “Îro bi saya hêza ku ew afirandin, pêvajoya aştiyê heye. Em jî soz didin wan ku her tim li ser rêya wan biçin û ala wan hilgirin.”
Dayika Yuksel, Hamiyet Yuksel jî diyar kir ku ew tevahiya şehîdên têkoşîna azadiyê wekî zarokên xwe dibînin.
Hamiyet Yuksel anî ziman ku dayik tevî windahiyên xwe jî, dev ji daxwaza aştiyê bernadin û wiha got, “Em dayik li pey her zarokên xwe yên jiyana xwe ji dest dane, dev ji gotina aştiyê bernadin. Em bawer dikin ku wê aştî pêk were.”
Piştî axaftinan, kulîlk danîn ser gora Yuksel û dirûşmeya “Şehîd namirin” hatin berzkirin.
