Meclisa Malbatên Şehîdan a bajarê Şedadê yê kantona Cizîrê ji bo şervanê QSD’ê Hesen Mihemed El Ilêwî yê ku 20’ê vê Cotmeh (2025) li gundewarê Dêrazorê ji ber teqîna mayînekê şehîd bibû, merasîma cenaze li dar xist.
Merasîm bi beşdariya girseyeke mezin a şêniyan, nûnerên Rêveberiya Xweser, saziyên sivîl û hêzên leşkerî û ewlehiyê li Pakrewangeha Şedadê hat lidarxistin.
Piştî torana leşkerî ya QSD’ê, endamê Meclisa Malbatên Şehîdan a Şedadê Eseed El Xilêf axivî. El Xilêf di axaftina xwe de sersaxî ji malbata şehîd re xwest û got: “Me lehengekî xwe ku bi destê xedaran hate şehîdxistin ji dest da. Ji vî cihî pîroz û li pêşberî van goran em soz didin ku em ê ji bo projeya neteweya demokratîk şopdarên rêya şehîdan bin.”
Bi navê Hêzên Leşkerî yên Şedadê Ehmed El Edîb jî ji ber şehadeta Hesen El Ilêwî sersaxî ji malbata şehîd û hêzên leşkerî û hevreyên şehîd re xwest û ev li gotinên xwe zêde kir: “Em şehîdekî ku xwîna fedaî azadiya gel û welatê xwe kiriye oxir dikin. Şehîdên me rûmeta me ne, ala me ne, dîroka me ne û rûkeniya li ser rûyên hemû azadxwazan ne. Şehîdên me şoreşa me û bêhna azadiyê ne.”
Piştre nasnameya şehîd Hesen El Ilêwî hat xwendin û radestî malbata wî hat kirin. Cenazeyê şehîd bi dirûşmên disloziya bi şehîdan re û tilîliyên dayikan spartin axê.
