‘’Lihevkirina hevkariya leşkerî’’ ya di navbera Wezîrê Parastina Somaliyê Ahmed Moallim Fiqi û Wêzîrê Parastina Erebistana Siûdî Emîr Xalid bîn Selman de hate îmzekirin, ji aliyê Wezareta Parastina Somaliyê ve li ser medyaya dijîtal X’ê hate ragihandin. Wezaretê da zanîn ku lihevkirin wê hevkariya di warê parastina navbera her du welatan de xurt bike.
Lihevkirin piştî ku Îsraîlê Somalîland nas kir hate îmzekirin ku Somalîlandê meh û nivan beriya niha eşkere kiribû ku ew bi awayekî yekalî ji Somaliyê vediqete.
Rêveberiya Mogadişuyê hê jî vê herêmê weke xaka xwe dibîne. Pispor dibêjin ku li pişt vê pêngava Îsraîlê Mîrnîşînên Erebî yên Yekbûyî heye û ev yek dewleta Somaliyê lawaz dike.
Hikûmeta Somaliyê di meha Çileyê de hemû lihevkirinên ku bi Mîrnîşînên Erebî yên Yekbûyî re îmze kiribûn, betal kiribûn. Qoçê Efrîqayê, ji ber cihê xwe yê stratejîk ê di navbera Behra Sor, Okyanûsa Hînt û Kanala Suweyşê de dibe sedema reqabeta di navbera welatên Kendavê de.
Mîrnîşînên Erebî yên Yekbûyî li gel tê sûcdarkirin ku çekan dide hêzên paramîlîter ên li Sûdanê û di heman demê de jî li Bendera Berberayê razemeniyeke sed milyon dolaran kiriye û li herêmê hebûna xwe ya leşkerî xurt kir. Erebistana Siûdî jî hevalbendê xwe yê berê Abu Dabiyê bi taybetî ji ber polîtîkayên Sûdan û Yemenê bi tundî rexne dike.
Rageşiya di navbera her du welatan de li gel bombekirina sewqiyateke çekan ya tê gotin ku ji Mîrnîşînên Riyadê ber bi Yemenê ve diçû, derketibû asteke şer û pevçûneke eşkere.
