Li gorî agahiyên ku ji aliyê Financial Times ve hatine parvekirin, yekîneya nû ya ku dê di banê Komîsyona Ewropayê de were damezrandin, wê girêdayî Seroka Komîsyonê Ursula von der Leyen be.
Tê payîn ku servîsa îstîxbaratê ya nû wê di nav Sekreteriya Giştî ya Komîsyonê de were bicihkirin û pisporên xwedî ezmûn ên ji saziyên îstîxbaratê yên welatên endam wê tê de cih bigirin. Armanc ew e ku agahiyên ji servîsên neteweyî tên wê di pêvajoya analîza hevbeş de bên derbaskirin û wê polîtîkayên ewlehiyê yên li seranserê YE’yê bêhtir bêne koordînekirin.
Hat destnîşankirin ku ev gava Yekîtiya Ewropayê encama fikarên mîmariya ewlehiyê ya parzemînê ku piştî Rûsya, Ukraynayê dagir kir derketin holê tê avêtin. Piştî daxuyaniya Serokê DYE’yê Donald Trump ku ew dixwaze beşdariya leşkerî li Ewropayê kêm bike, pêwîstiya ku Ewropa kapasîteya xwe ya ewlehiyê xurt bike ev mijar anî rojevê.
MIJAREKE HESAS E
Parvekirina îstîxbaratê ya di nav YE’yê de demek dirêj e mijarek hesas e. Her dewleta endam di mijarên ewlehiya neteweyî de li ser serweriya xwe û nepeniya operasyonel a xwe israr dike. Hebûna hikûmetên wekî Macaristanê ku di salên dawî de bi Rûsyayê re têkiliyên nêzîk danîne, pirsgirêkên baweriyê yên di derbarê parvekirina agahiyan de kûrtie kiriye.
Ji ber vê yekê tê gotin ku Komîsyonê hîn bi awayekî fermî pêşkêşî welatên endam nekiriye û hewl dide bi berçavgirtina hevsengiyên siyasî û ewlehiyê pêşve biçe.
Avakirin û peywira yekîneya nû girêdayî encama muzakereyên dîplomatîk û teknîkî yên ku di navbera dewletên endam bên meşandin e.
