Biryarên Tirkiyeyê yên avakirina du parkên neteweyî yên deryayî li Deryaya Spî û Egeyê bûne sedema nerazîbûna Yewnanistanê. Parkên li derveyî Fethiye-Kaş û li derdora Çanakkaleyê hatine ragihandin, bi tevahî ji 23 hezar kîlometre çargoşe mezintir in.
Wezareta Karûbarên Derve ya Yewnanistanê, diyar kir ku ev park derveyî avên peravan ên Tirkiyeyê û di nav deverên ku Yewnanistan wekî parzemîna xwe ya deryayî dibîne de dirêj dibin.
Atîna biryarê “neqanûnî” bi nav kir û got ku Tirkiye nikare vê biryarê bi rengekî “çû qediya” bigire dest.
Ev biryar nakokiyên derbarê herêmên desthilatdariya deryayî di Egeyê û Deryaya Spî ya Rojhilat de dîsa anîn rojevê û dikare bandorê li ser pêvajoya asayîbûnê ku di sala 2023’yan de dest pê kir, bike.
