Zanyar hişyarî dan ku ji ber hêdîbûna Gerandina Avê ya Meridional a Atlantîkê ku beşek girîng a pergala avhewayê ya gerdûnî ye, dibe ku encamên cidî li ser Ewropa û cîhanê çêbike.
Li gorî lêkolîna ku ji hêla lêkolînerên Zanîngeha Bordeaux û CNRS ve di kovara Science Advances de hat weşandin ev pergala herikîna okyanûsê wê heta dawiya sedsalê bi qasî ji sedî 50 lawaz bibe. Sernivîskarê lêkolînê Valentin Portmann diyar kir ku ev rêje ji texmînên berê zêdetir e.
Pergala AMOC’ê bi saya herîkînên mîna Gulf Stream ku ava germ ji herêmên tropîk ber bi bakur ve vediguhezîne di hevsengiya avhewaya kûrewî de roleke krîtîk dilîze. Lê ji ber guherîna avhewayê, ava sererdê ger dibe û zêdebûna tewqtewqîbûna okyanûsê rê li ber lawazbûna vê gerandinê vedike.
Li gorî pisporan, heke di pergalê de hêdîbûn an jî hilweşîn çêbike wê li Bakurê Ewropayê rê li ber zivistanên pir dijwartir veke û dibe ku li Sahelê wê hişkesaliyeke dijwar bê dîtin. Her wiha tê payîn ku asta deryayê bilind bibe û kapasîteya vegirtina karbonê ya okyanûsan kêm bibe.
Tevî vê jî di nava zanistên cîhanê de derbarê pêşeroja AMOC’ê de nêrîneke hevpar tuneye. Her çiqasî Panela Guherîna Avhewayê ya Navhikûmetan di vê sedsalê de hilweşîna tevahî ya pergalê wekî “îxtîmaleke pir kêm” tê nirxandin û destnîşan dike ku lawabûneke girîng pêkan e.
Pispor diyar dikin ku encamên heyî li dijî bandorên guherîna avhewayê careke din hewcedariya tedbîrên bileztir û berfirehtir datîne holê.
