Hevserokê Partiya Wekhevî û Demokrasiyê ya Gelan (DEM Partî) Tuncer Bakirhan, Alîkarê Serokwekîlê Koma CHP’ê Alî Mahîr Başarir û Serokwekîla DEM Partiyê Gulistan Kiliç Koçyîgît û parlamenterê TÎP’ê yê Stenbolê Ahmet Şik jî di nav de derbarê 11 parlamenteran de ji bo rakirina parêzbendiyê 13 fezlekeyên nû pêşkêşî Serokatiya Meclisê hatin kirin.
Fezlekeyên ku ji aliyê Serokkomariyê ve hatin şandin, radestî Komisyona Têkel a ku ji endamên Komisyona Edaletê û Destûra Bingehîn pêk tê, hatin kirin.
Parlamenterên ku derbarê wan de fezleke hatine amadekirin ev in: “Hevserokê Giştî yê DEM Partiyê û parlamenterê Sêrtê Tuncer Bakirhan, Serokwekîla Koma DEM Partiyê û parlamentera Qersê Gulistan Kiliç Koçyîgît, parlamenterê TÎP’ê yê Stenbolê Ahmet Şik, parlamentera CHP’ê ya Trabzonê Sîbel Sûîçmez, parlamentera DEM Partiyê ya Agirî Nejla Demîr, parlamenterê CHP’ê yê Stenbolê Cemal Engînyurt, parlamenterê CHP’ê yê Îzmîrê Mahîr Polat, Serokwekîlê Koma CHP’ê û parlamenterê Mêrsînê Alî Mahîr Başarir, parlamentera DEM Partiyê ya Mêrdîn Bêrîtan Guneş Altin, Parlamenterê Enqereyê yê serbixwe Koray Aydin û parlamentera DEM Parityê ya Mêrdînê Salîha Aydeniz.”
Derbarê Cemal Engînyurt û derbarê Salîha Aydenîz de jî 2 fezleke hatin şandin.
