2 roj e aqûbeta ciwanê Kurd Îmad Arif Horo (17) ku ji hêla hêzên hikumeta demkî ve li taxa Suryan a Nû ya bajarê Helebê hatibû revandin, nayê zanîn.
Horo ji gundê Gemrûkê yê bajarê Mabeta yê Efrîna dagirkirî ye, li taxa Şêxmeqsûd a Helebê bi cih bûye. Duh (07 Cotmeh 2025) piştî êrîşa hêzên hikumeta veguhêz li dijî taxên Şêxmeqsûd û Eşrefiyê hatibû revandin.
Dema Horo ji Şêxmeqsûdê ber bi taxa Suryana Nû ve diçû li gel Dermanxaneya Xişan li ser benda ewlehiyê ya komên hêzên hikumeta veguhêz ve tê revandin. Endamên li ser bendê, telefona wî kontrol dikin û tê de hin sembolên Kurdî dibînin. Piştre direvînin û ber bi navenda xwe ve dibin.
Horo li Şêxmeqsûdê porbiriyê dike. Malbata wî daxwaza diyarkirina aqûbeta wî dikin û hikumeta veguhêz berpirs dibînin.
