Sendîkayên ku banga grevê kirine, diyar dikin ku budçeya hikûmetê “wê encamên karesat derbixe” û hîn zêdetir daxwaza edaleta civakî, malî û jîngehê dikin.
Tê payîn ku 2’yê Kanûnê li seranserî welêt hem di sektorên perwerde hem jî yên gihandinê de tengasiyên cidî biqewimin.
Sendîka bi taybetî van biryaran protesto dikin: Li sektora civakî rakirina 3.000 kadroyan, rawestandina meaşên xebatên civakî, kêmkirina çavkaniyên ji bo xizmetên civakî, di sîstema tenduristiyê de du qat zêdekirina para ji bo dîtina muayeneyê.
Ji bo grevê hem sektora taybet hem jî xebatkarên di sektora civakî de her çendî hatibin vexwendin jî, tê diyarkirin ku tevlîbûna herî xurt dê di xizmetên civakî de be.
Ji ber ku li gelek bajaran wê xwepêşandan bên kirin, dibe ku di xwegihandinê de pirsgirêkên cidî çêbibin. Bajarên Bordeaux, Parîs, Rouen, Dijon, Douai, Lens, La Rochelle û Le Havre wê ji grevê bandor bibin.
Li RATP’ê ya li herêma Parîsê ji 1’ê Kanûnê saet 18.00’an heya 3’yê Kanûnê saet 07.00’an banga grevê heye.
Tê diyarkirin ku di torên trenê yên neteweyî û herêmî de jî wê betalbûn hebe û rotar biqewimin.
Li hemû astên perwerdeyê, bi gotineke din ji dibistana seretayî heya zanîngehê banga grevê hate kirin.
