Di daxuyaniyek hevbeş de ku piştî civîna li bajarê Krakow ê Polonyayê hat weşandin de hat diyarkirin ku NATO kevirê bingehîn ê parastina kolektîf e.
Di daxuyaniyê de hat destnîşankirin ku ji bo astengkirina êrîşa muhtemel a Rûsyayê û li dijî cûrbecûr gefan berfireh ew ê hêza parastina xwe xurtir bikin û got, “Ji bo ewlehiya Ewropayê em amade ne ku bêhtir berpirsyariyê bigirin ser xwe.”
LÊÇÛNÊN PARASTINÊ
Di Lûtkeya NATO’yê ya 2025’an ku li Den Haagê hat lidarxistin de hevalbend di bin zexta rêveberiya DYE’yê de teahûda lêçûnên parastin û ewlehiyê derxînin ji sedî 5’an dabûn. Pênc welatên ku wekî formata “E5” têne zanîn, ji bo parvekirinê banga hevsengiya dadwerî kirin.
Di daxuyaniya hevbeş de hat destnîşankirin ku divê pîşesaziya parastinê ya Ewropayê were xurtkirin û asta amadekariya wê were zêdekirin û wiha hat gotin: “Divê hemû hevalbend li dijî gef û dijberiyan wekî hev bersiva bi bandor bidin.”
POLONYA DIXWAZE LÊÇÛNÊN LEŞKERÎ BÊN ZÊDEKIRIN
Polonya ku welatê herî mezin ê li aliyê rojhilatê NATO’yê ye, lêçûyînên parastinê ên 2025’an anî asta ji sedî 4.48’an û bû welatê ku herî zêde nêzîkî armanca xwe bû. Ev rêje li Fransayê ji sedî 2,05, li Îtalyayê ji sedî 2,01 û li Spanyayê jî ji wedî 2 ye.
Wezîrê Parastinê yê Polonyayê bang li Fransa, Îtalya û Spanyayê kir ku lêçûnên xwe yên parastinê zêde bikin. Wezîrê Karên Derve yê Elmanyayê Johann Wadephul jî vê hefteyê hewldanên Parîsê wekî “kêm” bi nav kir.
Wezîra Parastinê ya Fransayê Catherine Vautrin diyar kir ku welatê wê di deh salên dawî de budceya xwe ya parastinê du qat zêde kiriye û zêdebûn wê berdewam bike.
Vautrin bi bîr xist ku DYE bang li Ewropayê kiriye ku berpirsiyariyên xwe yên parastinê zêdetir bikin û got ku divê zêdebûna budceyên parastinê berdewam bikin.
