Xelkê taxên Xerbî û Enteriyê yên bajarê Qamişlo, bajarokê Kişk ê Çilaxa, taxa Nasira yê bajarê Hesekê û xelkê Rimêlanê alên YPJ, YPG û wêneyên Rêber Apo li qadan xemilandin û agirê Newrozê pêxistin.
Di çalakiyan de xelk û endamnên saziyên Rêveberiya Xweser û rêxistinên mirovî bi cil û bergên Kurd amade bûn.
Şêniyan li ber stranên şoreşger û li dora agir dîlan û govend gerandin.
Di şahiya li Hesekê de welatî Besam Xilo li ser navê xelkê bajêr hatina cejna Newrozê li gelê Kurd pîroz kir û got ev roj berhema berxwedana û fedakariyên mezin e.
Xilo şehîdên ku di oxira gelê Kurd bi rûmet bijîn de ku canê xwe daye bi bîr anîn.
