Dayikên Şemiyê di çalakiya xwe ya 1078’emîn a ji bo pirsîna aqûbeta xizmên xwe yên di bin çavan de hatine windakirin û qetilkirin û cezakirina failan de vê hefteyê jî li Qada Galatasarayê li hev civiyan.
Dayikên Şemiyê di çalakiyê de qurnefîl û wêneyên xizmên xwe yên winda, hilgirtin û aqûbeta Hayrettîn Eren ê ku di 21’ê Mijdara 1980’yan de li navçeya Saraçhane ya Stenbolê piştî ku li gel hevalê xwe hate binçavkirin, bi tu awayî agahî jê nehate standin, pirsîn.
