Bûyer roja Çarşemê li herêma Danko-Wasagu qewimî. Li gorî berpirsê herêmî Husaini Bena, operasyon bi rêya bejahî û hewayî hate kirin. Yekîneyên artêşê li hember komeke çekdar ku di nava gund derbas dibûn de, kemîn danî
Li gorî rayedarên xwecihî piştî nêzîkî du saetan şer, endamên çeteyan hatin paşve xistin. Çekdarên ku hewl didan ji herêmê birevin jî bi êrîşên hewayî hedef hatine girtin.
Rêveberê ewlehiyê yê eyaleta Kebbî Abdulrahman Zagga piştrast kir ku di operasyonê de kuştî hene, lê hejmarek zelal neda. Rêveberê siyasî yê herêma Danko-Wasagu Husaînî Bena jî diyar kir ku bêhtirî 150 çete hatine kuştin.
Êrîşên çeteyan ên bi çekên giran li deverên gundewarî yên herêmên bakur-rojava û navendî yên Nîjeryayê, ku desthilatdariya dewletê li wir qels e, di salên dawî de zêde bûne. Ev kom êrîşî gundan dikin, kiryarên talankirin, kuştin û revandinê ji bo fîdyeyê pêk tînin.
Yekşema borî, endamên komeke xweparastinê ya herêmî ku herî kêm 40 kes bûn, di êrîşek li ser gundekî li Eyaleta Plateau de hatin kuştin.
