Serokwezîr Antony Albanese diyar kir ku piştî êrîşê wê yasayên li dijî zêdegaviyê werin tundkirin û anî ziman ku nayê qebûlkirin ku welatiyên sivîl ev qasî zêde xwedan çek bin. Di çarçoveya bernameyê de ‘’wê êdî tezmînatê bide kesên ku çekên xwe yên zêde, nû hatine qedexekirin yan jî neqanûnî teslîm bikin.’’
Ev pêngav, ji operasyona piştî komkujiya Port Arthur a di sala 1996’an de û 600 hezar çek hatin berhevkirin ve wê bibe mezintirîn paşvekirîna çekan. Di wê serdemê de 35 welatiyan jiyana xwe ji dest dabûn.
Hefteyekê piştî êrîşê, roja Yekşemê wê li sernaserê welêt di saet 18.47 ‘an de (Saeta pêkhatina bûyerê) bi vêxistina findan merasîma bîranînê were lidarxistin.
Serokwezîr Antony Albanese diyar kir ku ev yek wê bibe sekneke ku ‘’nefret û tundî Awûstralyayê pênase nakin.’’
Her wiha li Plaja Bondi bi sedan kes li ser behrê xeleke mezin çêkirin û kesên ku di encama êrîşê de jiyana xwe ji dest dane, bi bîr anîn.
Her wiha Sydney hê jî hişyariyê de ye. Polîs li ser têkiliyên muhtemel dixebitin û lêkolîn dikin ku êrîşkar di seyaheteke xwe ya li herêma Mindanoa a Filîpînan de bi zêdegaviyan re ketine têkiliyê yan na.
Rayedaran dan zanîn ku têkilya hin kesên ku hatine binçavkirin bi bûyerê re tune ye û ji bo civakê ne weke rîskeke lezgîn in.
