Baroyê di daxuyaniya xwe de diyar kir ku biryar ji bo amadekirina zemîna betalkirina Serokatiya Giştî û şaxên din ên di 4-5’ê Mijdara 2023’yan de li gel Komcivîna Giştî ya Asayî ya CHP’ê hatine hilbijartin, hatiye standin.
Her wiha hate destnîşankirin ku Qanûna Partiyên Siyasî û Qanûna Bingehîn rayeya betakirina hilbijartinên kongreya partiyan yan jikardûrxistina şaxên hatine hilbijartin nedaye dadgehan.
Baroyê da zanîn ku rayeya betalkirinê ya têkildarî îdîayên gendeliyê bes di destê desteya hilbijartinê de ye û hişyarî da standina vê biryarê ya di serdemeke ku têkildarî bêterefiya darazê fikar hene de wê rê li ber derketina encamên siyasî, civakî û aborî yên giran veke.
Baroya Amedê daxuyaniya xwe bi gotina: ‘’Em ê li hemberî vê biryara ku îradeya gel tune dihesibîne û li dijî rêzik û yasayan e, serweriya hiqûqê û demokrasiyê biparêzin” bi dawî kir.
