Ji ber ku îsal li Hîmalayayê berf dereng bariya wê ava 12 çemên mezin ên Asyayê kêm bibe û ev yek krîz wê bandorê li ser 2 milyar kesan veke.
Raporek nû ya ku ji hêla Navenda Navneteweyî ya Pêşveçûna Çiyayên Yekgirtî (ICIMOD) a ku navenda wê li Kathmandu, Nepalê ye hat weşandin, hişyarî hat kirin.
Lêkolînerê ICIMOD Sher Mihemed ji AFP’ê re axivî û diyar kir ku di mehên Cotmeh-Mijdarê de berf dibare, îsal di dawiya Çileyê de berf bariya û anî ziman ku ji ber vê yekê rêjeya barînê jî pir kêm bûye. Mihemed tekez kir ku ev rewş çavkaniyên avê, çandinî û hilberîna hîdroelektrîkê têxe xetereyê.
Li gorî raporê kêmbûna berfê; herikîna çeman kêm dike, girêdana bi ava binê erdê re zûde dike û metirsiya ziwabûnê zêde dike. Di raporê de bang li welatên herêmê hat kirin ku stratejiyên xwe yên birêvebirina avê di ber çavan re derbas bikin û pergalên hişyariya zû yên ku dikarin hişkesalî pêşbîn bikin pêş bixin. Lêkolîneran destnîşan kirin ku welatên herêmên herî zêde ji krîza avhewayê re rû bi rû ne.
Li gorî pisporan, eger tedbîrên pêwîst neyên girtin, wê herêm ne tenê bi kêmbûna avê re rû bi rû bimîne, her wiha bi qeyrana xwarinê û kêmbûna enerjiyê re rû bi rû bimîne.
