Di van demên dawiyê de şehîdên di cih û demên cuda yên li Herêmên Parastina Medyayê şehîd bûyîn tên ragihandin. Ji nava wan Agir Botan, Firat Întiqam, Şengal Qîranî, Yesir Şemir, Çîçek Ocalan, Avesta Şengal û Arama Şengal şehîdên Şengalê bûn. Piştî nasnameyên wan ji malbatan re hatin eşkerekirin, destpêkê xêr hatin belavkirin, bi rê û resmên olî hatin bibîranîn.
Îro jî bi amadebûna bi sedan kesan li goristana Şehîd Berxwedan û şehîd Dijwar her 7 şehîd bi merasîmekê hatin bibîranîn.
Di serî de malbatên şehîdan, nûnerên Meclîsa Gel a Şengalê, TAJÊ, YJŞ, YBŞ’ê û bi sedan kes di merasîmê de amade bûn.
Merasîm bi deqeyek rêzgirtina ji bo giyanê şehîdan destpê kir.
Her wiha peyama Endamê Fermandariya Navenda Parastina Gel (NPG) Mûrat Karayilan ji malbatên şehîdan yên Şengalê re şandî jî hate temaşekirin.
Mûrad Karayîlan di peyama xwe de ev got: “Me niha dît, ciwanên Şengalê bi xwe bi xort û keçên xwe ve îcar beşdarî nava refên me bûn. Li ku? Tenê ne li Şengalê. Xwestin werin çiyayên Kurdistanê, werin Kurdistana Bakur. Hinek ji wan hevrêyên me şehîd bûn. Ev ji bo we serbilindiyeke. Ango we bersiva gerîla da. Ciwanên Şengalê jî hatin alîkariya gerîla. Ev tiştekî pir hêja ye. Pir bi rûmete. Çawa ku em pê serbilindin, hûn jî bi van şehîdan heta dawî serbilind bin, Her bijî ji we re, her bijî ji malbatên van şehîdên qehreman gihandine. Her bijî ji wan dayikan re.”
Di merasîmê de Endama Fermandariya Giştî ya YJŞ’ê Axîn Întîkam jî jî axivî û balkişand li ser fedekarî û qehremaniya gêrilayên azadiyê di dema fermanê û heta roja îro didin meşandin û got: Rûmeta wan raberkirî, rûmetek ku tu caran destjê nayê berdane.
Îro em jî di oxira van şehîdên xwe yên bi rûmet de soza xwe carek din nû dikin û dibêjin; Armanc û doza we ya azadiyê ji bo me jênevegere. Emê heta dawî xwedî li xewn û xeyalên şehîdên xwe derkevin. Pêwîste em bi qehremanî û fedekariya wan serbilind bin. Ciwanên Şengalê jî li gel gerilayên HPG û YJA STAR’ê li hemberî tarîtî û hovitiya DAIŞ’ê şer kirin, berdêl dan û parastina vê civakê kirin.”
Li ser navê malbatên şehîdan jî axaftin hatin kirin û hate diyarkirin ku yên pêşî li fermanê girtin û îro roj bûn sebeb ku ew bibin xwedî hêza parastin, bikarin xwe biparêzin û rêxistin bikin û ev hate gotin: “Zarokên me yên li pey rêya azadiyê meşiyan bû, wan bi têkoşîna xwe ya li hemberî her cûre zor û zehmetiyan dayî rê li ber fermanan girtin.”
Piştî axaftinan sinevziyonek di derbarê têkoşîn û kesayeta her 7 şehîdan de hat nîşandan.
Merasîm bi durişmeyên girêdana bi vîne şehîdan re bi dawî bû.
