Di daxuyaniyê de ku ji aliyê şaxên Îzmîrê yên ÎHD, ÇHD, OHD, THÎV û TAY-DER’ê ve li Şaxê Îzmîrê yê ÎHD’ê ve hate dayin, hate ragihandin ku biryar li dijî hiqûqê û wijdan e.
Hevberdevka Komîsyona Girtîgehan a ÎHD’ê parêzer Nazli Tûran anî ziman ku rewşa tenduristiyê ya Yildirim krîtîk e ku 30 sal in girtî ye û meha Çileya 2024’an anjiyo bû, bi zehmetî dikare pêwîstiyên xwe yên bingehîn bi cih bîne. Hate gotin, li gel ku di raporên tenduristiyê de hate gotin “Nabe bi tenê bimîne” jî Yildirim 8 sal in di bin tecrîdeke giran de ye.
Nazli Tûran diyar kir ku Desteya Çavdêrî û Îdareyê ya ku biryarê dide serbixwe nîne.
Rêxistinên mafên mirovan destnîşan kirin ku divê temen û nexweşiya giran a Yildirim li ber çavan bê girtin û tavilê bê berdan.
