Li salona Rewşenbîrî ya Ranya bi amadebûna gelek welatiyan, kesayetên siyasî û civakî, malbatên şehîdan Şehîd Bilêse Omer di salvegera şehîdbûna xwe ya 5’an de bi çalakiyeke heybet hate bibîranîn.
Merasîm bi deqeyek rêzgirtina ji bo giyanê şehîdan destpê kir û piştre mûm hatin pêxistin.
Di merasîmê de peyama Hevserokê Koma Civakên Kurdistanê Cemîl Bayîk ji aliyê mamoste Selam Omer ve hate xwendin. Di peyamê de bal kişand ser rol û têkoşîna Şehîd Bilêse.
Piştre ji bo bîranîna şehîd gul hatin danîn. Çalakvana Siyasî Necîbe Omer di merasîmê de axivî û diyar kir ku pêwîste gelê Kurd yekîtiya xwe çêbike.
Her wiha hevrêyê şehîd Bekir Sedîq çend bîranînên xwe yên li gel Şehîd Bilêse ji beşdarvanan re parve kir. Piştre jî endamê meclisa Gel ya Binarê Qendîlê Şêx Mihemed Bestî di bîranînê de helbestek ji bo şehîd xwend.
Di dawiya merasîmê de siyasetmedar Aram Xebat li ser navê malbata Şehîd Bilêse peyamek pêşkêş kir û spasiya hemû kesî kir.
Aktivîstê Kurd Bilêse Omer Sabîr di 17’ê Mijdara 2020’an de li paytexta Swêd Stockholmê hate qetilkirin. Dosya ji aliyê polîsên Swêdê ve hat girtin.
Cenazeyê Bilêse Omer ji Swêdê anîn Herêma Kurdistanê û li goristan taxa Gewre ya navçeya Ranyayê hatibû veşartin.
