Bi pêşengiya Komeleya Yekîtî Çand Piştevanî û Alîkariyê ya bi Malbatên ku di Dergûşa Şaristaniyê de Xizmên Xwe Winda Kirine re (MEBYA-DER) ya Stenbolê ji bo cangoriyên Tevgera Azadiyê ya Kurdistanê yên di dem û cihên cuda de şehîd bûne, li navçeyên Bagcilar û Sancaktepeyê bernameya bîranînê tê lidarxistin. Malbatên cangoriyan, sekreteryayê Îmraliyê Veysî Aktaş, Hevserokê DBP’ê Keskîn Bayindir, Dayikên Aştiyê, aktivîstên TJA’yê, parlamenterên DEM Partiyê, endam û reveberên partiyên siyasî û nûnerên saziyên civakî tevlî bernameyê bûn.
Bername ji bo şehîdan bi deqîqeyekî rezgirtinê destpê kir. Di eywana ku bîranîn tê lidarxistin de di ser maseyan de wêneyên şehîdan, Rêber Apo û qerenfîl û find hatin danîn. Li eywanê pankartên “Em şehîden rûmetê bi bîr tînin”, “Şehîdên me rûmeta me ne”, “Têkoşîna wan rêya me ronî dike” û “Şehîd Namirin” hatin daliqandin.
Piştî rêzgirtinê sînevîzyon hate temaşekirin.
Piştî temaşekirina sînevîzyonê Ardil Çeşme ya ku piştî 31 salan ji girtîgehê derketibû axivî. Ardil Çeşme diyar kir ku bi saya şehîdan ew li vir in û wiha got: “Dema em tevlî rêxistinê bûn, me dizanî li pêşiya me şehîdbûyîn û girtîgeh heye. Lê dîsa jî em tevlîbûn. Em deyndarê şehîdan in. Em li ku bûn, em jin, mêr û zarok jî bin divê layiqê wan şehîdan bibin. Heta ku Kurd hebin dê rêya me jî hebe. Em dibêjin şehîd namirin. Ji ber ku şehîd herdem li gel me ne. Heta ku em roja xwe ronî bikin, em azad nabin têkoşîn jî bi dawî nabe.”
Sekreteryayê Îmraliyê Veysî Altaş jî anî ziman ku rast e rojekî giran e lê ev dîroka wan e û wiha axivî: “Serokatî dixwaze vê dîrokê biguherîne. Pêşketin heye, Serok û artêş heye. Em hevalên Serokatî ne, em nîvco ne, lê şehîd tam in. Em şehîdan ji bîr nakin. Heta dawiyê em ê li ser şopa şehîdan bin.”
Hevserokê Giştî ya DBP’ê Keskîn Bayindir destnîşan kir ku îro şehîdan bi dil û can bi bîr tînin û wiha got: “Îro em baweriya xwe nû dikin. Em dizanin li her derê Kurdistanê xemginî heye. Lê ev ne şîn e, bawerî parvekirin e. Em soz didin ku wekî şehîdan têkoşînê bilind bikin.”
Piştî axaftinan ji bo şehîdan dua hatin kirin. Beşdaran sersaxî dan malbatên şehîdan. Taziye bi hestên piştevanî û dirûşmeyan bi dawî bû.
