Bîranînên ji bo gerîlayên HPG/YJA Star ên şehîd ên li bajarê Şirnexê û navçeyên wê Hezex, Silopya, Qileban û Elkê tên li darxistin, di roja xwe ya duyem de berdewam dikin. Bîranîn bi pêşengtiya MEBYA-DER’ê tên lidarxistin û li gel malbatên şehîdan bi hezaran kes tevlî bûn.
SILOPIYA
Bernameya bîranînê ya li Mizgefta Valî Kamîl Acûn a li Taxa Dîcleyê ya Silopyayê ê lidarxistin, sibehê zû dest pê kir. Li ser maseyên li qada bîranînê wêneyên şehîdan hatin bicihkirin. Pankartên bi nivîsa ‘’Şehîd ronahiya rêya me ne” û “Şehîdên me rûmeta me ne” û posterên Rêber Apo hatin vekirin. Dayikên Aşitiyê li nêzî cihê sersaxiyê li hev kom bûn û li gel berzkirina dirûşmeyên weke ‘’Şehîd namirin’’ û ‘’Bijî Serok Apo’’ ber bi cihê merasîmê ve meşiyan. Dayikên Aşitiyê li dema ku derbasî cihê sersaxiyê bûn bi çepikên mezin hatin pêşwazîkirin û demeke dirêj dirûşme hatin berzkirin. Parlamentera DEM Partiyê ya Şirnexê Newroz Ûysal di merasîmê de axivî û diyar kir ku roja îroyîn li tevahiya Kurdistanê merasîmên bîranînê hene û da zanîn ku ew ê xwedî li mîrateya şehîdan derkevin.
HEZEX
Merasîma li Mizgefta Sosyal Konûtlar a li Taxa Atakent a navçeya Hezexê di roja xwe ya duyemîn de li gel seredanên girseyî berdewam dike. Li qada şînê wêneyên şehîdan hatin vekirin û derdor bi rengên kesk, sor û zer hate xemilandin. Pankartên bi nivîsa ‘’Şehîd ronahiya rêya me ne” û “Şehîdên me rûmeta me ne” û posterên Rêber Apo hatin vekirin.
Herwiha gelek welatî, nûnerên partiyên siyasî û nûnerên rêxistinên civakî beşdarî merasîmê bûn. Di bîranînê de gelek caran dirûşmeyên “Şehîd namirin” û “Bijî Serok Apo” tên berzkirin.
ŞIRNEX
Merasîma bîranînê ya li Mala Şînê ya Mehmet Emîn Acar a navenda Şirnexê jî di roja xwe ya duyemîn de berdewam dike. Merasîmê serê sibeê dest pê kir û li gel xizmên şehîdan bi sedan kes tevlî bûn. Li qada merasîmê pankartên bi nivîsa ‘’Şehîdên me rûmeta me ne’’ û posterên Rêber Apo hatin vekirin û wêneyên şehîdan li ser maseyan hatin bicihkirin. Herwiha gelek caran dirûşmeyên weke “Şehîd namirin” û “Bijî Serok Apo” tên berzkirin.
QILEBAN
Bîranîna li Taxa Şantiye a bi pêşengtiya MEBYA-DER’ê ji bo gerîlayên HPG/YJA Starê li navçeya Qilebanê hate lidarxistin, di roja xwe duyemîn de ye. Li cihê merasîmê pankartên bi nivîsa “Şehîdên me rûmeta me ne” û “Şehîd ronahîya rêya me ne” hatin vekirin. Her wiha posterên Rêber Apo jî hatin vekirin û beşdaran qurnefîl danin li pêşiya wêneyên şehîdên azadiyê.
ELKÊ
Bernameya ji bo Sozdar Abî (Jînda Feraşîn) li pêşiya mala malbatê ya li Gundê Germavê tê lidarxistin, di roja xwe duyemîn de ye. Gelek kes beşdarî merasîmê bûn û gelek caran dirûşmeya ‘’Şehîd namirin’’ tê berzkirin. Parlamenterê DEM Partiyê yê Şirnexê Mehmet Zekî Îrmez di merasîmê de axivî û diyar kir ku ew ê xwedî li mîrateya têkoşîna şehîdan derkevin û têkoşînê mezin bikin. Merasîm wê îro piştî xwendinê mewlûdê bi dawî bibe.
