Dayikên Şemiyê/Mirovên Şemiyê çalakiya xwe ya 1051’emîn li Qada Galatasarayê li dar xistin û xwestin aqûbeta xizmên xwe yên di binçavan de hatine windakirin û qetilkirin bên darizandin. Di çalakiya vê hefteyê de Hevserokê Giştî ya Partiya Wekhevî û Demokrasiyê ya Gelan (DEM Partî) Tûncer Bakirhan, Endama Heyeta Îmrali ya DEM Partiyê Pervîn Bûldan û her wiha gelek xizmên windayan û endamên partiyên siyasî amade bûn. Dayikên Şemiyê çalakiya xwe ya vê hefteyê bi dirûşmeya “Hefteya Windayan 17-31 Gulan” li qada kom bûn û wêneyên xizmên xwe yên di bin çavan de hatin windakirin hilgirtin.
Xwişka Hasan Ocak ê di binçavan de bi êşkenceyê hat qetilkirin Masîde Ocak jî diyar kir ku çanda bêcezahiştinê ya heta roja îro dewam kiriye rê li ber binpêkirinên nû vedike. Ocak diyar kir ku ev çanda bêcezahiştinê li pêşiya aştiya civakî û prensîbên dewleta hiqûqê astengiyeke mezin e û wiha got: “Îro çawa ku em dikevin Hefteya Windayan em careke din bi dengekî bilind diyar dikin ku em hezkiriyên xwe yên di binê çavan de hatine windakirin ji bîr nakin, em ê wan ji bîr nekin û dest ji lêgerîna xwe ya edaletê bernedin. Weke malbatên kesên ji aliyê rayedarên dewletê yan jî avahiyên dewletê hatine windakirin, bi salan e em heman pirsê dipirsin: Hezkiriyên me li ku ne? Em di berdewamiyê de israr dikin: Windakirinên di bin çavan de yên di bin çavan de, travmayeke ku ne tenê jiyana kesên jiyana xwe ji dest dane tarî dike ye. Travmayeke ku nifş bi nifşan dewam dike ye. Ev sûc ne dikare bibe mijara qanûnên sînordarkirinê, ne jî nikare ji nedîtî ve bê.”
Masîde Ocak wiha dewam kir: “Divê aqûbeta her kesên di binê çavan de hatine windakirin bê aşkerakirin, kiryar û berpirsyar li pêşberî edaletê werin darizandin û hesab ji wan bê pirsîn, windakirina bi zorê di Qanûna Ceza ya Tirk de weke sûcê li dijî mirovahiyê bê qebûlkirin û dawî li pêkanînên bêcezahiştinê were anîn. Divê Tirkiye Peymana Navneteweyî ya Neteweyên Yekbûyî ya ji bo Parastina Hemû Mirovên ji Windakirinên bi Zorê îmze bike û bi cih bîne û qedexeyên ne destûrî û ne hiqûqî yên li ser hejmara mirovên li Meydana Galatasarayê tavilê bên rakirin.”
Ocak da zanîn ku bicihneanîna daxwazên wan ancax bi aştiyeke mayînde re pêkan e û wiha got: “Divê pêvajoya nû bi rastî, rûbirûbûn û edaletê re were cem hev. Aştiya rastîn tenê dikare bi vegerandina hafizeya civakî, bêqusûrkirina dadwerîyê û bi temamî naskirina mafên mirovan pêk bihê. Divê derfeta aştiyê ji hesabên siyasî re neyê qurbankirin ; ji bo pêkanîna aştiyeke adil û mayînde divê vîneke xurt a siyasî were nîşandan Bi wesîleya Hefteya Windayan em hêvîdar in ku bêçekbûyîn wê rê li ber aştiyeke rasteqîn veke; Em bang li hemû beşên hesas ên raya giştî dikin ku tevlî daxwaza me ya heqîqet, edalet û aştiyeke bi rûmet bibin.”
Mîkaîl Kirbayir ê birayê Cemîl Kirbayirê ku di dema binçavkirinê de hate windakirin jî wiha got: “Li dijî kesên ku qedera mirovên ku me di binçavan de winda kirine bêrêziyê dikin; li dijî polîtîkayên îmha û înkarê; em malbatên wendahiyan tevî hevrêyên xwe heta ku edalet û heqîqetê dernexînin holê em ê têkoşîna xwe bidomînin.”
Di Hevserokê Giştî yê DEM Partiyê Tuncer Bakirhan bersiva pirsên rojnamevanan da û got, ji bo aştiyeke civakî divê daxwazên xizmên windayan bên pêşwazîkirin.
