Çalakiya nobetê ya ku di 20’ê Tirmeha 2023’an de ji bo azadiya fîzîkî ya Rêber Apo li Wargeha Penaberan a Şehîd Rûstem Cûdî (Mexmûr) hatibû destpêkirin, bi koma 159’an di roja 815’an didome.
Merasîma dewirgirtina çalakiya nobetê li Saziya Malbatên Şehîdan a Wargeha Mexmûrê bi amadebûna gel û çalakvanan bi deqeyek rêzgirtinê hat destpêkirin.
Piştî rêzgirtinê li ser navê koma 158’an Dilşîn Kara daxuyanî xwend.
Daxuyanî wiha ye: “Em tecrîda li ser Rêber Apo şermezar dikin. Wê têkoşîna me bigehije serkeftinê. Komploya li ser Rêbertî em bi tundî şermezar dikin. Hîn jî tecrîda li ser Rêber Apo berdewam dike. Ev kiryarên li ser Rêber Apo tên kirin ne hiqûqîne.
Sekna li dijî komployê xwedî li Rêbertî derketine. Divê em xwedî li Rêber Apo derbikevin. Wê ti caran hêzên komploger negihijin armancên xwe. Em ê wek jin pergala Îmraliyê hilweşînin. Bang li tevahî jin û ciwanan dikin ku xwedî li Rêber Apo derbikevin û bi banga Rêbertî rabin ser piyan.”
Piştî daxuyaniyê koma 159’an çalakî dewirgirt û dirûşmeyên ‘Bijî Rêber Apo’, ‘Bê Serok Jiyan Nabe’ û ‘Jin Jiyan Azadî’ hatin berzkirin.
