Rêveberiya Tevgerê têkildarî Cejna Partiyê û Berxwedana Neteweyî daxuyaniyek da. Daxuyanî bi vî rengî ye:
“Em ketine salvegera damezrandina PKK’ê ku pêşengî ji têkoşîna azadî û hebûnê ya gelê Kurd re kir û rola xwe ya dîrokî bi serketî lîst. Gelê Kurdistanê vê pêşketina dîrokî ya damezrandina PKK’ê weke Cejna Berxwedana Partiyê û Berxwedana Neteweyî pîroz dike. Em jî Cejna Partiyê û Berxwedana Neteweyî di serî de li Rêber Apo, şehîdan, gelê Kurdistanê, Rojhilata Navîn, gelên cîhanê, jinan û hemû hevrêyên Apoyî pîroz dikin.
PKK afirînerê mîrateyeke mezin e ku bûye malê dîrokê. Mejiyê mêtinger qirker û înkarê yê ku dixwest gelê me tine bike, şikandiye. Gelê Kurd ji tinebûnê rizgar kir û hebûna wê misoger kir. Gelê Kurd bi PKK’ê bû xwedî hişmendî, îrade û nasnameyê. Bi PKK’ê xwe nas kir, li dijî hêzên ku dixwest wê tine bike têkoşîna hebûnê meşand û di vê têkoşînê de bi ser ket. Bêguman ev têkoşîn bi hêsanî nebû. Di encama ked û berdêlên giran de têkoşîn bi ser ket. Bi deh hezaran milîtanên Apoyî û welatparêzan canê xwe dan û şehîd bûn. Gelê me êşên giran kişand, berdêlên mezin da.
PKK’ê di encama van berdêlan de nirxên mezin afirand. Rêber Apo piştî ku stratejiyeke nû di têkoşînê de danî holê, pêwîstî bi fesixkirina PKK’ê dît. Ev fesixkirin jî weke destpêka têkoşîneke nû nirxand. Di dema pêş de wê bi nirxên ku tevgera Apoyî di nava 52 salan de afirand têkoşîn bê pêşvebirin; li ser vê bingehê wê Tirkiyeya Demokratîk, Rojhilata Navîn a demokratîk bê afirandin. Bi vî rengî hebûn û azadiya gelê Kurd wê misoger bibe û mêtingeriya qirker jî bi temamî têk biçe.
PKK weke partiyeke şehîdan bi pêş ket. Rêber Apo PKK weke partiya şehîdan pênase kir. Bi vê wesîleyê em şehîdên demokrasiyê û şoreşê hemûyan careke din bi hurmet û minetdariyeke mezin bi bîr tînin. Em bi eşkere dibînin ku têkoşîna me bi dayina şehîdan meşand, rêya ber bi gel ê azad, jin a azad, welatê azad û mirovahiya azad vekiriye û li şûna xwe ya dîrokî rûniştiye. Gelê me îro bi Pêvajoya Aştî û Civaka Demokratîk re di vê rêyê de ber bi azadiyê ve dimeşe. Bila kes gumanan neke; gelê me wê vê qonaxa dîrokî ya têkoşîna azadbûyînê bi serketî qezenç bike. Em bi vî fikrî û vê hêviyê careke din ji gelê me û hemû dostên ku têkoşînê dimeşînin re serketinê dixwazin.”
