Şahî ji bo cangoriyên Kurdistanê deqeyek rêzgirtinê destpê kir. Piştre Hevserokê Meclîsa Gel a Herêma Mîçûrînskê Serdar Mikaîl axivî û Newroza gelê Kurd pîroz kir.
Serdar wiha got: “Di serî de Newroza Rêber Apo, hevalên li serê çiya, hevalên ku bi berxwedaniyeke mezin li zindanan li berxwe didin pîroz dikim. Newroz xwedî dîrokek bi hezaran salan e. Bi têkoşîna azadiyê re Newroz her ku çû bû roja serhildan û berxwedanê.”
Şahî bi beşdariya hunermendên Kurdistanê Mûrat û Cûma, hunermendên herêmê Nûredîn Xadjîev Bazo Mamedov, Koma foklorê, Koma Barîn û Koma Zarokan coş bû.
Newroz bi gerandina govendê û bi siloganên “Bijî Rêber Apo”, “Şehîd Namirin” û “Bijî Newroz” bi dawî bû.
