Cenazeyê gerîlayê HPG’ê Berat Nazlican (Botyan Amed) ê 23’ê Tebaxa 2019’an de li Dersimê şehîd bû û li goristana bêkesan hatibû veşartin. Piştî 6 salan malbata Nazlican cenazeyê kurê xwe ji Saziya Tipa Edlî ya Meletiyê girtin û li gundê Botyana yê Dara Hênê veşartin.
Malbata Nazlican, Komeleya Yekitî Çand Piştevanî û Alikariya bi Kesên Xizmên Xwe li Dergûşa Şaristaniyê Winda Kirine re (MEBYA-DER) ya şaxa Amedê, rêxistina DEM Partiyê ya Çewlîgê û gelek kes tevlî merasîmê bûn.
Cenaze di têketina gund bi girseyî hate pêşwazîkirin û heta ku goristanê meşiya. Di meşê de dirûşmeyên “Şehîd namirin”, “Ey Şehîd xwîna te li erdê namîne” hatin berzkirin. Merasîm bi rêzgirtina ji bo giyanê şehîdan dest pê kir.
Hevserokê MEBYA-DER’ê Ramazan Dengîz di merasîmê de axivî û sersaxî ji gelê Kurd re xwest û wiha axivî: “Bajarê Çewlîgê wekî Mehmet Karasûngûr lehengên mezin derxistiye. Botyan Amed ji yek wan e. Çawa ku Mehmet Karasûngûr, Mehmet Hayrî Dûrmûş berxwedanê dilop dilop mezin kir. Botyan Amed ji vê berxwedanê mezintir. Îro em tevahî cîhane tên naskirin, şoreşa Rojava pêk hat bi keda Botyan û hevalên vî ne. Şehîd namirin.”
Piştî axaftinan merasîm dawî bû.
