Meha Mijdarê êrişên şaneyên DAÎŞ’ê yên li ser Bakur û Rojhilatê Sûriyeyê zêde bûn.
Di 2`yê Mijdarê de, çeteyên DAIŞ`ê bi çekên navîn êriş bir ser xaleke kontrolê ya QSD li bajarokê Ebû Hemam li gundewarên rojhilatê kantona Dêrazorê. Pevçûn çêbûn, lê tu ziyan çênebûn.
Di 3`yê Mijdarê de, çeteyên DAIŞ`ê bi motorsîkletê êrişî mala rêveberê veguhastinê yê Rêveberiya Xweser a Bakur û Rojhilatê Sûriyeyê ê li kantona Dêrazorê, li bajarokê Cedîdet Igêdat ê li rojhilatê Dêrazorê kir. Tu ziyan çênebûn.
Di 4`ê Mijdarê de, çeteyên DAIŞ’ê bi RPG’ê êrişî xaleke leşkerî ya QSD`ê li bajarokê Zîban ê li rojhilatê Dêrazorê kir. Li wir şer derket, lê der barê qurbaniyan de tu agahî nehatin dayîn.
Di 5’ê Mijdarê de, çeteyên DAIŞ’ê piştî ku bazirganekî red kir ku tiştê ku çete jê re dibêjin “zekat” bide, bi çekên otomatîk êrişî mal û dikanên bazirganekî kir. Li wir şer derket û bi tenê zirarên madî çêbûn.
Di 7’ê Mijdarê de, çeteyên DAIŞ’ê bi çekên otomatîk êrişî tankereke petrolê ya li nêzî zeviya petrolê ya Ezbe ya li bakurê parêzgeha Dêrazorê kir û ber bi cihekî nediyar ve revîn. Tu ziyan çênebûn.
Di 8’ê Mijdarê de, teqemeniyeke ku ji aliyê şaneyên çeteyên DAIŞ’ê ve hatibû çandin, li ser rêya ber bi bajarê El Sûsê li rojhilatê Dêrazorê, di dema derbasbûna dewriyeyeke QSD`ê de, teqiya. Tu ziyana çênebûn.
Di 13’ê Mijdarê de, çeteyên DAIŞ’ê li bajarokê El Tekîhî, li bakurê Dêrazorê, êrişî tankereke petrolê kir, di encamê de ziyanên madî çêbû.
Di heman rojê de, çeteyên DAIŞ’ê li derdora bajarê El Şihêl li gundewarên rojhilatê Dêrazorê tankereke din hedef girt, di encamê de ajokar birîndar bû û ziyana madî çêbû.
Her wiha, şaneyeke çeteyên DAIŞ’ê ji qeraxa rojavayê Çemê Firatê, ji deverên Subeyxan û çola di navbera bajarên El Bukemal û El Meyadîn de ku di bin kontrola hêzên hikumeta veguhêz ya Sûriyeyê de ne, derbasî bajarokê Ebû Hemamê bû û êrişî xaleke kontrolê ya QSD’ê kir. QSD`ê bersiv da û êrişkar paşde vekişiyan.
Di 16’ê Mijdarê de, çeteyên DAIŞ`ê êrişî hevşaredarê Baxozê Ehmed El Tuma kir. Ziyan bi tenê madî bûn.
Di heman rojê de, çeteyên DAIŞ’ê li ser rêya di navbera bajarokên Muheymîde û El Meamil ê li rojavayê Dêrazorê, êrişî endamekî Hêzên Ewlekariya Hundirîn kir û di encamê de şehîd bû.
Her wiha, çeteyên DAIŞ`ê bi çekan êriş bir ser navendeke Hêzên Ewlekariya Hundirîn a li bajarokê Zîban ê li rojhilatê Dêrazorê. Tu ziyan çênebûn.
Di 18’ê Mijdarê de, çeteyên DAIŞ`ê bi motorsîkletê xaleke Hêzên Ewlekariya Hundirîn a li bajarokê El Bisêra, li gundewarê rojhilatê Dêrazorê, gulebaran kir, bêyî ku ziyan çêbin.
Di 19’ê Mijdarê de, çeteyên DAIŞ’ê li çarxerêya Helebiyê li gundewarên bakurê Dêrazorê, otomobîlek ku ciwan tê de bûn, gulebaran kir. Tu ziyan çênebûn. Di heman rojê de, çeteyên DAIŞ’ê çeperên hêzên hikumeta veguhêz ya Sûriyeyê li derdora gundê Xanim El Elî bi kar anîn û bi 2 dronan çeperên QSD`ê hedef girtin. Dron ji aliyê QSD’ê ve hatin xistin.
Di 20’ê Mijdarê de, çeteyên DAIŞ’ê bi çekan çeperekî QSD’ê li bajarokê Zîbanê yê li rojhilatê Dêrazorê hedef girtin, tu ziyan çênebûn.
Di 21’ê Mijdarê de, çeteyên DAIŞ’ê bi bombeyeke destan çeperekî QSD’ê li bajarokê Zîbanê yê li rojhilatê Dêrazorê hedef girtin, di encamê de pevçûn çêbûn, tu ziyanê çênebûn.
Di heman rojê de, çeteyên DAIŞ’ê bi çekan xaleke kontrolê ya Hêzên Ewlekariya Hundirîn li bajarokê Ebreyhayê hedef girtin, di encamê de pevçûn derket, tu ziyan çênebûn.
Di 21’ê Mijdarê de, çeteyên DAIŞ’ê bi çekên navîn êrişî cihekî QSD’ê kir, piştre li derdora bajarê Sûse yê li rojhilatê Dêrazorê pevçûn çêbûn.
Di 24’ê Mijdarê de, çeteyên DAIŞ’ê wesayîtek QSD’ê li bajarokê Cedîdet Igêdar a li rojhilatê Dêrazorê kir hedef û şervanekî QSD’ê birîndar kir.
Di heman rojê de, çeteyên DAIŞ’ê bi çekan wesayîtek QSD’ê dema ku ber bi zeviya petrolê ya El Cefra ve diçû kirin hedef, tu ziyan çênebû.
Di 28’ê Mijdarê de, çeteyên DAIŞ’ê roketek avêt wesayîteke QSD’ê li bajarokê Mehmîdayê li gundewarên rojavayê Dêrazorê. Piştî êrişê şer derket, tu ziyan çênebûn.
Bi tevahî di 22 êrişên de ku di meha Mijdarê de pêk hatine, endamekî Hêzên Ewlekariya Hundirîn şehîd bû û şervanekî QSD’ê û sivîlek birîndar bûn.
Bi vî awayî hejmara giştî ya êrişên şaneyên DAIŞ’ê li ser deverên cuda yên Bakur û Rojhilatê Sûriyeyê ji destpêka salê ve digihêje 224’an ku piraniya wan li gundewarên Dêrazorê qewimîne.
