Konfederasyona Gundiyan ragihand ku ew ê di 14ê Cotmehê de li Parîsê bi traktoran xwepêşandana protestoyê li dar bixin, wekî bersivekî li dijî pêvajoya pejirandina peymanê. Sendîkayê herwisa ji bilî cotkaran, rêxistinên hawirdorê, xerîdar û rêxistinên piştgirîyê jî vexwend ku beşdarî çalakîyê bibin.
Ji alîyê din ve, sendîkaya herî mezin a cotkaran a welat FNSEA jî di 26ê Îlonê de rojeke çalakiyê ya li seranserê welat ragihand. Serokê FNSEA Arnaud Rousseau diyar kir ku ev protesto li dijî peymana Mercosur, bacên ku Donald Trump li ser berhemên çandiniyê danîye û derhanîn ku li gorî standardên Ewropayê ne, tê kirin.
FNSEA û rêxistina Jeunes Agriculteurs (Cotkarên Ciwan) ragihandin ku ew ê çalakiyên cûrbecûr, wekî tespîtkirina berhemên derhanînî yên ne li gorî standardan li marketên mezin, li dar bixin.
Tê hişyarkirin ku peymana Mercosur dê di heman demê de ku hinardeya otomobîl, şerab û makîneyan ji YE re zêde bike; têketina berhemên wekî goşt, şekir, birinc, hingiv û soya ji Amerîkaya Latînî hêsan bike, ku ev yek dibe ku hin sektorên çandiniyê yên Ewropayê lawaz bike.
