Tîma Navbeynkariyê ya Xiristiyan (CPT) ku karên leşkerî, siyasî û aborî yên Tirkiyeyê yên li Başûrê Kurdistanê dişopîne, daneyên li ser meha Tîrmehê eşkere kir. CPT diyar kir ku li gel PKK’ê çekên xwe îmha kir jî êrîş dewam dikin. Di daxuyaniya CPT de ya li ser malpera fermî ya saziyê hate weşandin, hate ragihandin ku di navbera 1-31’ê Tîrmehê de herî kêm 18 caran Tirkiyeyê bombardûman û êrîşên hewayî pêk anî.
Di daxuyaniyê de ahte gotin, “Hêzên Tirk 29’ê Tîrmehê operasyoneke nû ya bejahî da destpêkirin û karên xwe yên leşkerî dewam kir ku liv û tevgera sivîlan asteng dike û zerarê dide zeviyên çandiniyê.” Li gorî daxuyaniyê 17 ji êrîşan li bejahiya Amediyê ya li bajarê Dihokê, êrîşeke bi droneyê jî li bajarê Silêmaniyeyê hate kirin.
CPT diyar kir ku 22’ê Tîrmehê li Dargale Musa Bage ya li Amediyê, gel xwest li malên xwe vegere, lê belê ji aliyê leşkerên Tirk ên li herêmê ve hatin astengkirin.
Li gorî CPT, ji destpêka sala 2025’an û vir ve artêşa Tirk hezar û 696 caran êrîşên leşkerî li Herêma Kurdistanê ya Federe kir. Hate ragihandin ku di encama van erîşan de 9 sivîlan jiyana xwe ji dest dan.
