Serokwekîla Koma Partiya Wekhevî û Demokrasiyê ya Gelan (DEM Partî) Gulistan Kiliç Koçyîgît di civîna Komîsyona Demokrasî, Xwişk-Biratî û Piştevaniya Mîllî de axivî. Koçyîgît îşaret bi pêvajoya pevçûnê ya 50 salî kir û destnîşan kir ku divê pirsgirêka Kurd bi rêyên demokratîk werin çareserkirin.
Gulistan Kiliç Koçyîgît got, “Ev pirsgirêk, yek ji meseleyên herî girîng ên sedsalî yê Tirkiyeyê ye” û diyar kir ku kêmaniyên demokratîk yek ji sedemên bingehîn ên pirsgirêkê ye. Koçyîgît wiha got, “Em di wê baweriyê de ne ku ev pirsgirêk bi îradeya Meclîsê, siyaset û îradeya hevpar a gel were çareserkirin. Em hem li hundur û hem jî li derve ji bo çareseriya demokratîk û aştiyane têdikoşin.”
‘DIVÊ PIRSGIRÊKA KURD WEKÎ PIRSGIRÊKA XWE BIBÎNIN’
Gulistan Kiliç Koçyîgît diyar kir ku şert û mercên heyî ji bo çareseriyê derfetekî nû pêşkêş dike û banga, “Divê pirsgirêka Kurd wekî pirsgirêka xwe bibînin” kir.
Gulistan Kiliç Koçyîgît diyar kir ku ew bawerî bi Aştî û feraseta Meclîsê tînin û wiha got, “Em bi hejmartina êşan re demê winda nekin. Divê aştiya hundirîn a Tirkiyeyê û aştiya herêmê ava bikin.” Koçyîgît diyar kir ku divê rêya ku bi biryara çekberdanê hatiye vekirin, were nirxandin û bang li Meclîsê kir ku berpirsyariyê bigire û ji bo mayîndekirina çarseriyê banga vesazkirina qanûnî kir.
Serokwekîlê Koma AKP’ê Abdulhamît Gul diyar kir ku girîng e ku Meclîsê mijarê dinirxîne û wiha got, “Em ê bi aqilê hevpar û şêwirê vê pêvajoyê birêve bibinî. Wê Tirkiye bi ser bikeve.”
Serokê Komîsyona Edaletê ya Meclîsê Cuneyt Yuksel jî got ku divê mînakên ETA û IRA’yê werin lêkolînkirin û bal kişand ser lihevkirina mewzûat, darizandina adil û ewlehiya hiqûqê.
