Komîteya Bilind a Hilbijartinên Meclisa Gel a Sûriyeyê di çarçoveya xebatên temamkirina saziyên hilbijartinê de lîsteyeke destpêkê ya navên endamên Desteyên Hilbijartinan ya parêzgeha Hesekê ku bajarê Hesekê, Qamişlo û Dêrikê jî di nav de ne, weşand.
Li gorî biryarê, lîsteyên destpêkê yên ku li daîreyên Hesekê, Qamişlo, Dêrik û Kobanê hatine weşandin, wê ji hêla Komîteya Bilind a Hilbijartinên Meclisa Gel ve ji bo amadekirina lîsteyên dawîn werin lêkolînkirin.
Erka Desteya Hilbijartinê ew e ku endamên parlamenta Sûriyeyê (Meclisa Gel) di nav daîreya xwe ya hilbijartinê de destnîşan bike.
Li gorî daxuyaniyê, hejmara endamên Desteya Hilbijartinê ya Hesekê 172, ya Dêrikê 104, ya Qamişloyê 251 e û ya Kobanê jî 128 e.
Li gorî lîsteyên hatine aşkerakirin, rêjeya jinan pir kêm e.
