Berdevkê Wezareta Tenduristiyê ya Hûsiyan Anees Alasbahî got, “Li gorî bîlançoya dawî, di êrîşa Dewletên Yekbûyî yên Emerîkayê (DYE) ya li hemberî avahiyek niştecihbûnê ya li Sanayê de sivîlek mir û 3 jê zarok 13 kes birîndar bûn.”
DYE’yê hê piştrast nekir ku vê êrîşê pêk aniye an na. Lê rayedarekî Pentagonê ji AFP’ê re axivî û wiha got, “Centcom li dijî çeperên Hûsiyên li Yemenê yên ji aliyê Îranê ve tên destekkirin, bi şev û roj êrîş pêk tîne.”
DYE’yê di 15’ê Adarê de ragihand ku dest bi êrîşeke nû ya leşkerî kiriye. DYE’yê, da xuyakirin ku eger Hûsî êrîşên xwe yên li hemberî keştiyên li Derya Sor û Kendava Adenê bidomînin wê destwerdaneke xurt a leşkerî pêk bînin.
Hûsiyan, ragihandin ku DYE’yê ji êrîşa roja Şemiyê û vir ve gelek êrîşên hewayî pêk aniye ku rayedarên payebilind ên serhildêr kuştine. Her wiha ragihandin ku di encama topbarana roja Şemiyê de 53 kes hatine kuştin û 98 kes jî birîndar bûne.
Hûsiyan diyar dikin ku ew bi armanca piştgiriya Filîstînê keştiyên girêdayî Îsraîlê dikin hedef. Ji ber ku Deryaya Sor ji bo bazirganiya cîhanî herêmeke krîtîk e, DYE’yê diyar dike ku niyeta wê ew e ku vê tehdîdê ji holê rake.
Her wiha Hûsiyan, ragihandin ku weke bersiv li dijî operasyonên leşkerî yên li Xezeyê ew ê êrîşên xwe li dijî Îsraîlê zêde bikin.
