Di komxebata bi sernavê ‘Di perwerdeya zimanê dayikê de ber bi çareseriyê ve: Derfet, astengî û pêşniyar’ de ji aliyê Egîtîm-Sen’ê ve li Amedê hate lidarxistin, nûnerên gelek rêxistinên civakî yên sivîl tevlî bûn.
Nivîskar Haydar Diljen anî ziman ku zimanê dayikê mafeke û got, “Zarok li dibistanê ji zimanê dayikê têne dûrxistin. Ev yek bandoreke neyînî li serketinê dike.”
Diljen anî ziman ku pergala li Bakur û Rojhilatê Sûriyeyê dikare mînak bê dîtin û destnîşan kir ku perwerdeya bi zimanê dayikê ji dibistana seretayî heta bi zanîngehê divê bê belavkirin.
Serokê Şaxê Amedê yê berê yê Egîtîm-Senê Yildirim Arslan jî diyar kir ku divê astengiyên li pêşiya sîstema perwerdeyê ya civaka demokratîk bêne rakirin.
Ji Jineolojiyê Fîgen Kaplan jî bi bîr xist ku jin di tevahiya dîrokê de li derveyî cîhana zanistiyê hatine hiştin û got, “Agahiya şaş mirovan dike kole, agahiya rast mirovan azad dike.”
Komxebatê bi kursiya azad û nirxandina beşdaran dewam kir.
