Komîteya Azadiya Rêber Apo ya Başûrê Kurdistanê derbarê banga dîroka ya Rêber Apo ya bi navê “Aştî û Civaka Demokratîk” de daxuyaniyeke nivîskî weşand.
Naveroka daxuyaniyê bi vî rengî ye:
“Dawiyê dengê aşitî û civaka demokratîk ji Girava Îmraliyê ku girava sepandina sîstema êşkenceyê, planên navneteweyî ye, li hemû cîhanê belav bû û hate bihîstin.
Ew bang encama ked û têkoşîna gelê me yê li her çar parçeyên Kurdistanê û keda têkoşîna gerîla, xwîna şehîdan û berxwedana girtiyên siyasî ye.
Lê belê ji ber ku tez û nêrînên Rêber Apo, bingeha têkoşîna tevgera azadiyê ava dikin, hişmendiya faşîzmê hate şikandin û bi paradîgmaya Rêber Apo li Rojhilata Navîn xebat û çareseriyên siyasî dest pê kirin. Felsefeya aşitî û civaka demokratîk, di nava gel û şaristaniyên li Mezopotamyayê de ji nû ve hate rojevê.
Tevî ku em di destpêka vê pêvajoyê de ne jî, serdemekê hin dewlet, partî û derdoran digotin ku divê yekîtiya Rêber Apo û gerîlayan pêk neyê. Lê belê têkiliya manewî û xwezayî ya di navbera Birêz Ocalan û tevgera azadiyê de tam nehate fêmkirin.
Girêdayî vê yekê, peyama PKK’ê û bersiva wê veguheriye meseleya qebûlkirin û qebûlnekirina peyama sedsalê û bersiva PKK’ê di nava derdorên ku hewl nedane tevgerê fêm bikin de rê li ber şaşwaziyê vekir.
Kesên ku dîroka siyasî ya PKK’ê û Birêz Ocalan ji nêz ve dişopînin, bi mereqeke mezin li benda pêşketina vê pêvajoyê ne. Peyama ji sedsalê ya ji aliyê bîra sedsalê ve hatî dayîn, dubare nîşan da ku rehîngirtina 26 salan, tecrîd û êşkenceyan bi ti awayî baweriya Rêber Apo têk nebiriye. Lê belê bi îrade û biryardariyeke mezin, Tirkiyeyê bi rastiya ku Birêz Ocalan dikare pirsgirêka Kurd çareser bike re rû bi rû maye.
Ev pêvajoya çareseriyê, xwediyê wê hêze ye ku dê pergala dewletên kapîtalîst têk bibe. Dê ev pêvajo rejîmên zextkar bi temamî ji holê rake û dawiya wan bîne.
Ji ber wê divê hemû derdor bizanibin ku dabînkirina azadiya Birêz Ocalan û avakirina derfetên birêvebirina pêvajoyên çareseriya siyasî di serî de gelê Kurd ji bo hemû gelên herê mê gelekî girîng e û divê were zanîn ku ev çarenûs temînata serkeftina pêvajoyê ye.
Em weke Komîteya Azadiya Rêber Apo, ev 26 sal in bi hemû hêza xwe, baweriya xwe û li gel aliyên welatparêz û azadiyê yên li seranserê cîhanê di nava hevkariyê de ne û em ê ji bo azadiya Rêber Apo têkoşîna xwe bidomînin.
Îro divê em di mijara azadiya hemû girtiyên siyasî yên li her çar perçeyên Kurdistanê de bi biryartir bin. Di heman demê de divê em di vê pêvajoyê de fikrên Birêz Ocalan di nava civakê de zêdetir belav bikin. Ji ber ku em baş dizanin ku rûyê modernîteya kapîtalîst yê riziyayî xwe roj bi roj zêdetir nîşan dide ji hemû gavan bêtir hewcehiya mirovahiyê bi modernîteya demokratîk, neteweya demokratîk û pêkvejiyana gelan heye. Tekane rizgarbûna ji van yekan bi parastina xwezayê, jinûvedabînkirina rola jinan a xwezayî, avakirina avaniya malbata azad û avakirina jiyaneke azad e.”
