Di pîrozbahiya Cejna Newrozê ya Amedê de ku bi sedhezaran kes tevlî bûne, peyama girtiyên siyasî hate xwendin.
Di peyama li ser navê Denîz Kaya hatiye şandin de wiha hate gotin:
“Cejna Newrozê, strana mirovên li dijî zilmê serî rakirine ye. Navê roja wekî newayek reng bi reng a vejîna xwezayê ye ku nîşeyên çanda berxwedanê li dilê gelên Mezopotamyayê neqişandiye. Gelên her roj ji zalimekî wekî Dehaq ku serokê pergaleke her roj zilm di ser gelan de dibarand rizgar bûyîn, bîranînên xwe yên azadiyê vegerandin destanekê.
Mazlum Dogan ev ala berxwedanê ku di destên gelên Medyayî de bi ba diket dewir girt, di hucreya lê dihat girtin, bi tena serê xwe û di bin şertên herî giran de, bi pêxistina sê darikên neftikê, pêşengiya Kurdên bûne Newroz kir. Meşaleya azadiyê ku di şexsê Kawayê Hemdem Mazlum Dogan de li dijî Darbeya 12’ê Îlonê ya faşîst li zindanan bilind bû, li çiyayên Kurdistanê vegeriya têkoşîna mezin a azadiyê.
Agirê bi vê berxwedanê mezin bû, ji gelan re bû ronahî. Bû romanek li ser zimanan digere û felsefeya Kurdên azad.
Agirê azadiyê di hişmendiya Zekiye Alkan de ku li ser bedenên Sûrên Amedê agir berda canê xwe, vegeriya serhildanên gel. Tililiyên li Licê, Dîgor, Cizîr û Nisêbînê bilind bûn, vegeriya serhildana bêhempa ya gelê Kurd.
Rahşan Demîrel ku li ser bedenên Kadîfekaleyê agir berda canê xwe, ev ala pîroz dewir girt, rastiya jiyana bi nasnameya xwe ya neteweyî nîşanî Kurdên bi darê zorê koçî çar aliyên Tirkiyeyê hatine kirin, da. Nîşan da ku jiyana bi nasnameya neteweyî ya azad tenê bi vegerîna îradeyeke ji gogek agir pêkan e.
Tevgera Azadiya Kurd her roj pêlên nû li kevneşopiya Newrozê zêde kir û têkoşîna azadiyê mezin kir. Agirê Newrozê Kurdên dîasporayê yên li welatên Ewropayê ku cihê modernîteya kapîtalîst herê zêde lê bi rêxistin kiriye, dijîn jî hembêz kir. Nîşanî dost û dijminan hate dayîn ku jiyanek li Ewropayê pêkan be, ew jî tenê bi kesayetek û îradeyek li gorî Ronahî û Bêrîvanê mimkûn e.
Rêheval Sema Yuce berxwedan pêşvetir bir û li zindana Çanakkaleyê meşaleya azadiyê bilindtir kir û bi têkoşîna azadiya jinê re kire yek. Di navbera 8’ê Adarê û 21’ê Adarê de pirek ji agir ava kir. Bi hişmendiya îdeolojiya azadiya jinê derbeyek giran li hişmendiya kesayetên tesfiyekar ên wekî lingek komployê tevdigerin, da.
Rêheval Fîkrî Baygeldî ku di kêliya ewil de peyama ji pêşengên tekoşîna azadiya jinê rêheval Sema fam kir, karî di xeta Semayê de bibe rêheval û bibe lingek pira azadiyê ya bi agirê Newrozê hatiye avakirin.
Serokatiya me Pêvajoya Aştî û Civaka Demokratîk kêlî bi kêlî honandiye û xebatên pratîk û polîtîk ên avakirinê dane destpêkirin. Em di şexsê Serokatiya xwe de Newroza gelê xwe yê welatparêz, hêzên xwe yên gerîla, dostên xwe û hemû rêhevalên di zindanan de bi dil û can pîroz dikin. Em hemû rêhevalên di dema pîrozbahiyên Newrozê de şehîd bûne bi rêzdarî bîr tînin. Em li ber bîranîna wan bejna xwe bi rêzdarî ditewînin û soza serkeftinê didin.”
