Wezîrê Karên Derve yê DYE’yê Marco Rubio daxuyaniyek da û di daxuyaniya xwe de diyar kir ku biryar di çarçoveya biryarnameya serokatiyê ya hejmar 14199 de ku Serokê DYE’yê Donald Trump îmze kiriye hatiye girtin.
Di daxuyaniyê de hate îfadekirin ku saziyên berbehs veguherîne avaniyên ne hewce, xirab tên birêvebirin, li dijî berjewendiyên neteweyî yên DYE’yê ne û gefan li serweriya welêt dixwin.
Rêberiya Trump destnîşan kir ku Emerîka wê çavkaniyên lixwegirtiyên bacê ji bo ‘’berjewendiyên biyanî’’ xerc neke.
Rêveberiya DYE’yê her wiha diyar kir ku saziyên navneteweyî yên di destpêkê de bi armanca aşitî û hevkariyê hatine avakirin, bi demê re veguherîne ‘’mîmariyên rêveberiya gerdûnî’’ û li ser îdeolojiyên pêşvexwaz, wekheviya zayendî ya civakî, polîtîkayên avûhewayê û bernameyên curbecuriyê hewl didin serweriya DYE’yê sînordar bikin.
Washingtonê destnîşan kir ku ew ê çavkanî, piştevaniya dîplomatîk û rewabûnê nede saziyên ku xizmeta berjewendiyên neteweyî nekin û diyar kir ku hevkariya navneteweyî wê bes li gel berjewendiya gelê DYE’yê were kirin.
Helwesta rêveberiya Trump a têkildarî kêmkirina beşdariya saziyên navneteweyî ne nû ye. Donald Trump beriya niha jî bi awayekî eşkere anîbû ziman ku ew dixwaze ji Rêxistina Tenduristiyê ya Cîhanî (WHO) û Peymana Avûhewayê ya Parîsê vekişe.
Di nava saziyên ku biryara vekişînê hatiye girtin de Peymana Çorçoveya Guherîna Avûhewayê ya Neteweyên Yekbûyî (UNFCCC) ya girêdayî Peymana Avûhewayê ya Parîsê jî cih digire. Ev peyman, sînordarkirina emîsyona gazên serayê û kêmkirina zêdebûna germahiya gerdûnî armanc dike.
Her wiha di lîsteyê de gelek saziyên navneteweyî yên li dijî guherîna avûhewayê têdikoşin û yên têkildarî mafên mirovan, perwerde, lêkolîn, teknolojî, têkoşîna li dijî terorê û parastina hawirdorê cih digirin.
