Erdogan li civîna koma partiya xwe AKP’ê ya li meclîsê axivî û diyar kir ku rapora Komîsyona Meclîsê tenê metneke pêşniyarê nîne.
Erdogan got, “Qonaxa nû ya pêvajoyê wê destpê bike. Hêvî û bendewariya me ji partiyên din ew e ku sekna xwe ya maqûl, lihevkirinê û demokratîk a li komîsyonê di karên meclîsê de jî dewam bikin. Li hemberî xwişk û biratiya hezar salî ti navenda fesadê nekarî bisekine. Eger hinek hebin ku bixwazin li ber vê hembêzkirinê rabin, wê li ber vê lehiyê bikevin û ji vê xakê bêne paqijkirin.”
Erdogan têkildarî şêweyê pêvajoya nû ti agahî neda.
‘ÎMRALI JI ALIYÊ WEZARETA EDALETÊ VE TÊ BIRÊVEBIRIN’
Têkildarî gotina “Divê valahiya statuya Îmraliyê bi rengekî maqûl bi encam bibe” ya Serokê Giştî yê MHP’ê Devlet Bahçelî, Erdogan daxuyanî da.
Erdogan ê AKP’yî got, “Îmrali ji aliyê Wezareta Edaletê ve tê birêvebirin.”
