FEDA û DAKB’ê diyar kirin ku Çarşema Serê Nîsanê bes ne nûbûna xwezayê ye di heman demê de sembola parastina baweriya Êzidiyan û nasnameya çandî ye.
Di daxuyaniyê de hate îfadekirin ku ev cejn ji aliyê domandina hebûna gelê Êzîdî ve gelekî girîng e.
Di daxuyaniyê de hate destnîşankirin ku li Rojhilata Navîn di serî de Êzîdîtî baweriyên weke Elewîtî û baweriyên gelên Suryanî û Durzî di tevahiya dîrokê de bi komkujî, qirkirin û polîtîkayên asîmîlasyonê re rû bi rû mane.
Hate gotin ku ev êrîş ji ber zîhniyeta dewleta ‘’yekperest’’ a cudahiyan red dike rû didin.
FEDA û DAKB’ê di daxuyaniya xwe de bi bîr xistin ku civaka Êzidiyan beriya niha gelek caran bi êrîşên ku weke ‘’ferman’’ tên pênasekirin re rû bi maye û hate îfadekirin ku ev êrîş li hemberî hemû mirovahiyê hatine kirin.
Di dewama daxuyaniyê de banga piştevaniyê hate kirin û ev yek hate gotin: ‘’Êşa Êzidiyan, êşa me ye.’’
Her du saziyan dan zanîn ku divê Êzîdiyateî were parastin, ji nifşên nû re were neqilkirin û xwedî mafên wekhev bin.
Her wiha hate diyarkirin ku bêyî azadiya baweriyêû wekheviya civakî jiyaneke demokratîk û aşitiyane pêkan nîne.
Piştre saziyan bal kişand ser girîngiya piştevaniya jinan û ji bo civakeke ku baweriyên cuda lê bi awayekî azad û wekhev bijîn banga têkoşînê kirin.
Di dawiya daxuyaniyê de ev yek hatin gotin: ‘’Em girîngiyeke mezin didin piştevaniya jinan û ji bo civakeke ku baweriyên cuda bi awayekî ewle, xwedî mafên wekhev û azad bijîn em li rex hevûdu disekinin. Bi wesîleya Çarşema Sor em berxwedana gel û jinên Êzîdî, mîrateya wan a çandî û îradeya neqilkirina nifşên nû bi rêzdarî silav dikin.’’
