Serokê Meclîsê Nûman Kûrtûlmûş di daxuyaniyeke xwe de gotibû: ‘’Tifaqa Yavûz Sûltan Selîm û Îdrîsî Bîtlîsî ya li hemberî Şah Îsmaîl ê ku li seranserê xaka Anatoliyayê zilm dikir, bûbû wesîleya pêkvejiyana civakên Misilman ên li Anatoliyayê.’’
FEDA û DAKB’ê jî li hemberî van gotinên Serokê Meclîsê Nûman Kûrtûlmûş bi daxuyaniyeke hevpar nerazîbûnên xwe nîşan dan. Di daxuyaniya hevpar de ev yek hate gotin: ‘’Ev gotinên Nûman Kûrtûlmûş ne bi tenê daxuyaniyek e, di heman demê de tên wateya pesndayîna Yavûz Sûltan Selîm ê ku ji aliyê civaka Elewiyan ve hatiye cinûsîkirin û îtîrafkirina komkujiya li ser Elewiyan û pîrozkirina zîhniyeta qirker.’’
Di daxuyaniyê de hate destnîşankirin ku bi şerê Otlûkbelî yê di sala 1473’yan de xakên Kurdistanê hatine dagikirin û piştî vê dagirkirinê dewleta Osmaniyan li herêmê di serî de Elewî li hemberî gel û baweriyên cuda komkujî pêk anîne.
Her du saziyan diyar kirin ku gotinên Kûrtûlmûş ne ji pêkvejiyana gel û baweriyên cuda re ji dijminahiyê re xizmetê dikin û gotin ku ev gotina ku xizmeta qebûlnekirina civakên dike di heman demê de nîşan didin ku wê di asîmîlasyon, komkujî û qirkirinê de jî israr bikin.
FEDA û DAKB’ê di dewama daxuyaniya xwe ya hevpar de dan zanîn ku ger di nava gel û baweriyên cuda de hiqûqa wekhevbûnê were avakirin, di serî de kesên rayedar divê hemû kes ji ziman û gotinên xwe baldar bin û destnîşankirin ku ew weke FEDA û DAKB’ê gotinên Kûrtûlmûş ên tên wateya qirkirin û tunekirina gel û baweriyên cûda red dikin û bang li Kûrtûlmûş kirin ku tavilê van gotinên xwe paşve bikşîne û ji bo pêkvejiyana gel û baweriyên cuda bixebite.
