Navenda Ragihandina Hêzên Sûriya Demokratîk (QSD) peyama Fermandarê Giştî yê QSDˊê Mazlûm Ebdî ya ji bo pîrozkirina cejna Ekîto li gelê herêmê parve kir.
Mazlûm Ebdî di peyama xwe de got: “Bi boneya Cejna Ekîto, ez pîrozbahiyên xwe yên germ li gelê me yê Keldanî-Suryanî-Asûrî û hemû civakên li herêmên me dikim.
Ev cejn kûrahiya şaristaniya me û nirxên nûjenkirin û hêviyê temsîl dike. Em girîngiya hevgirtinê û parastina mîrata me ya çandî û şaristanî, ku yekitî û aramiyê xurt dike, ji nû ve tekez dikin.
Cejna Ekîto pîroz be! Bila ev cejn qencî û aştiyê bîne û nirxên biratî û jiyana hevbeş ji bo pêşerojek ewle û dadperwer xurt bike.”
EV CEJN MÎRASEKE ÇANDÎ YE KU DÎROKA HERÊMÊ NÎŞAN DIDE
Parêzgarê Hesekê, endazyar Nûredîn Ehmed cejna Ekîto li xelkê parêzgehê yê Suryanî-Asûrî-Keldanî pîroz kir.
Parêzgar di peyama xwe de da zanîn ku ev cejn temsîla mîraseke şaristanî ya kevnar dike ku kûrahiya dîroka herêmê ya hezaran salan nîşan dide. Ev cejn ji bo xurtkirina nirxên hezkirin, biratî û jiyana hevbeş di nava pêkhateyên civakê de girîng e.
Parêzgar Nûredîn Ehmed hêvî kir ku xelkê herêmê di xêr û aramiyê de bijîn û Hesekê modeleke yekitî û hezkirinê bimîne
