Ji fermandarên QSD`ê li eniyên Dêr Hafirê, Zuhêr Efrîn diyar kir ku hêzên wan niha li xeta pêşîn a bakurê gundê Resm El Felah bicî bûne, ev dever xeta di navbera QSD û hêzên hikûmeta veguhêz de ne.
Efrîn da zanîn ku QSD amade ye ku her binpêkirinek an hewldanek nû ya ketina nav axa erêmê têk bibe, û diyar kir ku şervanên QSD ji bo parastina jiyana sivîlan û aramiya herêmê rasterast bersivê êrişan didin.
Efrîn hemû îdiayên ku ji hêla medyaya hikûmeta veguhêz û çeteyên dagirkeriya Tirkiyê ve hatine kirin û dibêjin QSD`ê dest bi êirşan kiriye, red kir û got: “Ew gotin ne rast in. Em li gorî peymanên agirbestê yên bi hikûmeta veguhêz tevdigerin. Binpêkirin ji aliyê wan ve dest pê kir, û êrişî sivîlan kirin. Em li vir in ku herêmê biparêzin û em ê nehêlin derewên wan belav bibin.”
Der barê şerê medyayê yê ku li kêleka êrişan tê kirin, Efrîn diyar kir ku hêzên hikûmeta veguhêz li Sûriyeyê bi rêya ragihandinê gotegotan belav dikin û wêneyan çêdikin. Efrîn wiha dewam kir: “Wan bi derwan çend caran gotin ku bajarê Dêr Hafirê kontrol kirine, tiştên tên weşandin beşek ji şerê medyayî ye.”
Zuhêr Efrîn da zanîn ku hemû şervanên QSD`ê li eniyên Dêr Hafirê ji pêkhate û mezhebên cûda yên herêmê ne, di nav de Ereb, Kurd, Elewî, Durzî û endamên eşîran he. Efrîn got: “Em soz didin gelê xwe li Bakurê û Rojhilatê Sûriyeyê ku em ê bi soza xwe ve girêdayî bimînin û em ê vê axê bi hemû derfetên xwe biparêzin. Ew komên çekdar dê ji vir derbas nebin.”
Çavkanî: ANHA
